قاچقین دوشرگهسینده هلاک اولان فیلیسطینلیلرین سایی 13-ا چاتیب
فیلیسطین ساغلیق ناظیرلیگیندن وئریلن یازیلی آچیقلامادا ایسراییل اوردوسونون نور شمس قاچقین دوشرگهسینده قتل عام تؤرتدیگی بیلدیریلیب.
ایسراییل اوردوسونون ایشغال آلتینداکی اوردون چایینین باتی ساحلیندهکی نور شمس قاچقین دوشرگهسینه هوجومو نتیجهسینده هلاک اولان فیلیسطینلیلرین سایی 13-ا چاتیب.
فیلیسطین ساغلیق ناظیرلیگیندن وئریلن یازیلی آچیقلامادا ایسراییل اوردوسونون نور شمس قاچقین دوشرگهسینده قتل عام تؤرتدیگی بیلدیریلیب.
آچیقلامادا ایسراییلین دوشرگهیه تشکیل ائتدیگی باسقیندا 5-ی اوشاق اولماقلا 13 فیلیسطینلینین اؤلدورولدوگو قئید اولونوب.
شاهیدلرین بیلدیردیگینه گؤره، ایسراییل قوهلری اوکتبرین 19-دا سحر رادهلرینده حربی ماشین و بولدوزرلرین ائشلیگی ایله باسقین و هوجوما کئچدیگی تولکریم شهریندهکی نور شمس قاچقین دوشرگهسیندن تقریباً 30 ساعات سونرا تامامیله گئری چکیلیب.
ایسراییل پولیسیندن وئریلن آچیقلامادا ایسه، نور شمس قاچقین دوشرگهسینده فیلیسطینلیلرله قارشیدورمادا 1 پولیسین اؤلدوگو، 9 پولیس ایشچیسینین یارالاندیغی، 10 شوبههلینین ساخلانیلدیغی بیلدیریلیب.