خامنه‌ای: سالدیرینین آرخاسیندا ایران یوخ

ایران دینی لیدئری آیت‌الله علی خامنه‌ای، حماسین اسرائیله گئرچکلشدیردیگی الاقصی توفانی عملیاتینین آرخاسیندا اؤلکه‌سینین اولدوغو ادعالارینی یالانلادی.
علی خامنه‌ای، باشکند تهران‌دا ایران سلاحلی گوجلرینین ماذونیت مراسیمی پروگرامیندا دانیشدی. اسرائیل-حماس چاتیشماسینا دایر ایلک دفعه دانیشان خامنه‌ای،
"ایشغالچی رژیم (اسرائیل)، هم عسگری هم ده استخبارات معناسیندا اوناریلاماز بیر مغلوبیت آلدی. بو داغیدیجی زلزله اسرائیل رژیمینین اؤنملی و حساس آلت‌یاپیلارینی یئرله بیر ائتدی و اؤزونه گلمه‌سی آسان اولمایاجاق" ایفاده‌لرینی ایشلتدی.
خامنه‌ای، حماسین اسرائیله تشکیل ائتدیگی الاقصی توفانی عملیاتینین آرخاسیندا ایران اولدوغو ادعالارینی یالانلادی.
بونونلا بیرلیکده خامنه‌ای،
"بو عملیاتی گئرچکلشدیرن و حاضرلایان فلیسطینلیلری آلینلاریندان اؤپوروک. اونلارلا غرور دویوروق" شکلینده دانیشدی.
اسرائیلی غزه‌یه قارشی سالدیریلاری سببی ایله اویاران ایران دینی لیدئری،
"فلیسطینلیلر غزه قوشاتماسینی قیراراق صهیونیستلرین عسگری و سیویل یئرله‌شیم ساحه‌لرینه گیردیکلری اوچون اسرائیللیلر مظلوم ‌مو اولور؟ فلیسطینلیلردن یومروق یئیه‌ن ظالم دوشمن، ایندی اؤزونو مظلوم گؤستریر. بو رژیم ایشغالچی اولدوغو قدر مظلوم دئییل. ایشغالچی‌دیر، ظالمدیر اما مظلوم دئییل. ایندی اؤزلرینی مظلوم گؤستره‌رک غزه‌ده قیرغینلار ائدیرلر. ایشغالچی رژیم ایداره‌چیلری و بو رژیمی دستکله‌یه‌نلر بو ائتدیکلرینین اونلارین باشینا داها بؤیوک بلالار گتیرجگینی بیلمه‌لیدیر" ایفاده‌لرینی ایشلتدی.
حماسین عسگری قانادی قسام توغایلاری، جمعه‌ائرته‌سی گونو اسرائیله "الاقصی توفانی" آدلی احاطه‌لی بیر سالدیری باشلاتدیغینی بیلدیرمیشدی. غزه‌دن اسرائیله مینلرجه راکت آتیلارکه‌ن سلاحلی قروپلار دا بؤلگه‌ده‌کی یئرله‌شیم یئرلرینه گیرمیشدی.
اسرائیل اوردوسو دا ساواش اوچاقلاری ایله غزه‌یه دمیر قیلینجلار عملیاتی باشلاتدیغینی آچیقلامیشدی. 
آرتان گرگینلیکده هر ایکی طرفدن یوزلرجه جان ایتکیسی وار.