اسرائیل اؤلن عسگرلرینین ساییسینی آچیقلادی
حیاتینی ایتیره‌ن ۱۶ اسرائیل عسگرینین داها کیملیک بیلگیلرینین عائله‌لری و توپلوملا پایلاشیلدیغی ایفاده ائدیلدی
اسرائیل اوردوسو، حماسین جمعه‌ائرته‌سی گونو باشلایان سالدیریلاریندا اؤلن عسگرلرینین ساییسینین ۷۳ نفره یوکسلدیگینی بیلدیردی.
اوردودان وئریله‌ن یازیلی آچیقلامادا، حیاتینی ایتیره‌ن ۱۶ اسرائیل عسگرینین داها کیملیک بیلگیلرینین عائله‌لری و توپلوملا پایلاشیلدیغی ایفاده ائدیلدی.
غزه‌دن باشلادیلان سالدیریلار نتیجه‌سینده، یارالانان اسرائیللیلرین ساییسی دا ۳۶۵ی آغیر اولماق اوزره ۲ مین ۳۱۵ نفره یوکسلدی.
اسرائیل اوردوسو، دونه‌ن غزه‌نین قوزئی دوغوسونداکی بیت حانون شهری و اطرافیندا ۱۲۰ هدفی بومبالادیغینی بیلدیردی.
اونلارجا تن راکت آتیلاراق گئرچکلشدیریلن سالدیریدا حماسا عاید هدفلرین وورولدوغو، بونلار آراسیندا بیر تونلین ده اولدوغو بیلدیریلدی.
حماسین عسگری قانادی قسام توغایلاری، جمعه‌ائرته‌سی گونو اسرائیله "اقصی توفانی" آدلی احاطه‌لی بیر سالدیری باشلاتدیغینی بیلدیرمیشدی. غزه‌دن اسرائیله مینلرجه راکت آتیلارکه‌ن سلاحلی قروپلار دا بؤلگه‌ده‌کی یئرله‌شیم یئرلرینه گیرمیشدی.
اسرائیل اوردوسو دا ساواش اوچاقلاری ایله غزه‌یه دمیر قیلینجلار عملیاتی باشلاتدیغینی آچیقلامیشدی.
آرتان گرگینلیکده هر ایکی طرفدن یوزلرجه جان ایتکیسی وار.
