اولاف شولتس ایلهام علی یئوه زنگ ائدیب
آلمانیا باش ناظیری اولاف شولتس اوکتبرین 4-ده آذربایجان جمهوریتی‌نین پرزیدنتی ایلهام علی یئوه زنگ ائدیب.
آلمانیا باش ناظیری اولاف شولتس اوکتبرین 4-ده آذربایجان جمهوریتی‌نین پرزیدنتی ایلهام علی یئوه زنگ ائدیب.
تلفون دانیشیغی اسناسیندا بولگه‌سل مسئله‌لرله باغلی فیکیر موبادیله‌سی آپاریلیب.
اولاف شولتس بولگه اؤلکه‌لری‌نین اراضی بوتؤو‌لوگونه و اگمنلیگینه آلمانیانین دستکینی ایفاده ائدیب. او وورغولاییب کی، اؤلکه‌سی آوروپا بیرلیگی شوراسی‌نین صدری شارل میشل‌ین رهبرلیگی ایله آپاریلان بروکسل پروسه‌سینی دستکلییر. آلمانیا باش ناظیری بمت-نین آذربایجان‌داکی میسیونونون خانکندی شهرینه سفری‌نین مثبت بیر آددیم اولدوغونو دئیه‌رک بونو یوکسک قیمتلندیریب.
دؤولت باشچی‌سی ایلهام علی یئو ایسه آذربایجانین بولگه‌سل باریش گونده‌لیگینه صادق‌لیگینی و آوروپا بیرلیگی شوراسی‌نین صدری شارل میشل‌ین ایشتیراکی ایله آپاریلان بروکسل پروسه‌سینی یاخین‌دان دستکلدیگینی وورغولاییب.
پرزیدنت ایلهام علی یئو مرکزی حکومت طرفیندن قاراباغین ائرمنی ساکین‌لرینه گؤستریلن اینسانی یاردیم‌لاری قئید ائدیب، کوچ، سوسیال ساوونما ساحه‌لری ایله باغلی یئرینده ائرمنی ساکین‌لره خیدمت‌لر گؤستریلدیگینی دئییب، مووافیق قئیدیات پروسه‌‌لری‌نین باشلادیغینی و بونون اوچون ده آیریجا پورتالین معین ائدیلدیگینی بیلدیریب.
دؤولت باشچی‌سی آذربایجانین بو ساحه‌ده تامین ائتدیگی شفافلیغین نوماییشی اولا‌راق، بمت-نین اؤلکه‌ده‌کی اوفیسی‌نین و بمت-نین نوماینده‌لرین‌دن عبارت قروپون اراضییه سفر ائتدیک‌لرینی بیلدیریب، اونلارین دا سیویل اها‌لییه و سیویل آلت یاپی لارا هئچ بیر ضیانین قئیده آلینمادیغی ایله باغلی مووافیق بیاناتلا چیخیش ائتدیک‌لرینی دقته چاتدیریب.
ایلگیلی‌لی خبرلر
حوثی لر:"ایسراییل گمیسینی ووردوق"
یمن-ده‌کی حوثی لر عدن کؤرفزینده ایسراییل گمیسینی ووردوق‌لارینی بیلدیریب‌لر.
