بمت تورکیه-نین دستکی ایله ایلک رادیوتراپی دستگاهینی سوریه-یه گؤندریب
بمت-نین اینسانی مسئلهلر اوزره کووردیناسیون اوفیسی (OCHA) مسئله ایله باغلی یازیلی آچیقلاما وئریب.
![بمت تورکیه-نین دستکی ایله ایلک رادیوتراپی دستگاهینی سوریه-یه گؤندریب](http://cdn.trt.net.tr/images/xlarge/rectangle/bafc/2638/b070/61094ca88e983.jpg?time=1718924119)
بیرلشمیش میللتلر تشکیلاتی (بمت) تورکیه-نین دستکی ایله ایلک رادیوتراپی دستگاهینین سوریه-نین قوزیی-باتیسینا گؤندریلدیگینی آچیقلاییب.
بمت-نین اینسانی مسئلهلر اوزره کووردیناسیون اوفیسی (OCHA) مسئله ایله باغلی یازیلی آچیقلاما وئریب.
آچیقلامادا بونون سوریه-نین قوزیی-باتی سیندا کانسر(سرطان) معالیجهسی اوچون "بؤیوک" بیر آددیم اولدوغو وورغولانیب و بؤلگهده رادیاسیون سئانسلاری اوچون ایمکان اولمادیغی و سوریه-لی کانسر خستهلرینین تورکیه-یه گؤندریلدیگی خاطیرلادیلیب.
آچیقلامادا "ایلک رادیوتراپی دستگاهی سوریه-نین قوزیی- باتیسینا گؤندریلیب. بو، بمت طرفداشلاری و تورکیه حکومتینین دستکی ایله حیاتا کئچیریلیب" دئییلیب.
آچیقلامادا دستگاهین گونده 40 رادیوتراپی صنایعسی یئرینه یئتیرمک گوجونده اولدوغو، دستگاهین عفرین-ین ان بؤیوک خستهخاناسیندا قوراشدیریلدیغی و قوراشدیریلماسی تاماملاندیقدان سونرا بؤلگهدهکی کانسر خستهلرینین اوچده بیرینین معالیجهسینی تامین ائده بیلهجگی قئید ائدیلیب.
آچیقلامادا فوریه آییندا باش وئرن زلزلهلردن سونرا بؤلگهده کانسر خستهلیگینین آرتدیغی و داها چوخ دستکهیه احتیاج اولدوغو وورغولانیب.
آچیقلامادا "تورکیه ساغلیق ایشچیلری تکنیکی و اونکولوقلارلا بیرلیکده دستگاهین 1 ایل مدتینده فعالیت گؤسترمهسینه دستک وئرهجک و سوریه-لی ساغلیق ایشچیلرینه تعلیم کئچهجک" دئییلیب.