نقلیات و آلت یاپی ناظیری عبدالقادر اورال اوغلو عراق-دا سفرده دیر
تورکیه و عراق ناظیرلری اینکیشاف یولو لاییحهسیندن بحث ائتدیلر.
تورکیه-نین نقلیات و آلت یاپی ناظیری عبدالقادر اورال اوغلو عراق-دا همکاری رزاق محیب السادوی ایله اینکیشاف یولو لاییحهسینی موذاکیره ائدیب
رسمی گؤروشلر اوچون عراق-ین پایتاختی باغدا-دا گئدن تورکیه-لی ناظیر اورادا عراق-ین نقلیات ناظیری ایله گؤروشوب.
صحبت زامانی عبدالقادر اورال اوغلو تکجه تورکیه و عراق دئییل، بوتون بؤلگه اوچون ایستراتژی اهمیت داشییان اینکیشاف یولو لاییحهسی ایله باغلی مهم قرارلارین آلیندیغینی و یول خریطهسینین معین ائدیلدیگینی بیلدیرهرک لاییحهده ایشتیراک ائتمک ایستهین اؤلکهلرله امکداشلیغا آچیق اولدوقلارینی سؤیلهییب.
عراق-لی ناظیر رزاق محیب السادوی ایسه اؤلکهنین باش ناظیری محمد شیاع السودانینین لاییحه ایله باغلی پروسهدورلارین ایکی آی عرضینده باشا چاتدیریلماسی بارهده گؤستریش وئردیگینی خاطیرلاداراق دئییب: "اینکیشاف یولو لاییحهسی تورکیه-نی 1200 کیلومتر دمیر و اتومبیل یوللاری ایله فارس کؤرفزیندهکی فاو لیمانینا بیرلشدیرهجک. یئنی ایپک یولو کیمی بو لاییحهنین آوروپادان کؤرفز اؤلکهلرینه قدر گئنیش بیر بؤلگه اوچون فایدالی اولاجاغینا اینانیریرق".