رئیسی پوتین ایله قاراباغ‌داکی گلیشمه‌لری دانیشدی
قاراباغ‌داکی گلیشمه‌لرین و آذربایجان ایله ارمنیستان آراسینداکی نورماللاشما سوره‌جینین موشاویره ائدیلدیگی تلفن دانیشماسیندا، پروبلئملرین سیاسی و دیپلوماتیک یوللارلا حل ائدیلمه‌سینین اؤنمی وورغولاندی
2042573
روسیا دؤولت باشقانی ولادیمیر پوتین ایله ایران جمهورباشقانی ابراهیم رئیسی، قاراباغ‌داکی گلیشمه‌لری اله آلدی.
روس دؤولت باشقانلیغی سارایی کرملین‌دن وئریله‌ن آچیقلامایا گؤره، پوتین و رئیسی تلفندا دانیشدی.
قاراباغ‌داکی گلیشمه‌لرین و آذربایجان ایله ارمنیستان آراسینداکی نورماللاشما سوره‌جینین موشاویره ائدیلدیگی تلفن دانیشماسیندا، پروبلئملرین سیاسی و دیپلوماتیک یوللارلا حل ائدیلمه‌سینین اؤنمی وورغولاندی.
طرفلرین، تورکیه، روسیا، ایران، آذربایجان، ارمنیستان و گورجوستان‌دان عبارت اولان بؤلگه‌سل مصلحتلشمه پلتفورمو "۳+۳"ون ایشلرینی فعال حالا گتیرمه قونوسوندا قارشیلیقلی ماراقلارینی دیله گتیردیگی تلفن دانیشماسیندا، رئیسی، ایرانین بریکسه قاتیلما مراجعتینه روسیانین وئردیگی دستکدن اؤترو ده تشکر ائتدی.
