لهستان اوکراینایا سلاح تداروکونو دایاندیردی
"بیز آرتیق اوکراینایا هئچ بیر سلاح اؤتورموروک، اونا گؤره کی، اؤزوموزو ایندی ان معاصر سلاح‌لارلا سلاحلاندیریریق".
"بیز لهستان-ین تهلوکه‌سیزلیگینی آرتیرماق اوچون میلیاردلارلا دو‌لارا آلدیغیمیز یئنی سلاح‌لاریمیزی باشقاسینا وئره بیلمریک".
بونو لهستان پرزیدنتی آندری دودا پاپ خبر آژانسینا وئردیگی آچیقلامادا دئییب.
دودا باش ناظیر ماتیوس موراویتسکینین بو مؤوضوع دا وئردیگی آچیقلاما‌لارین "مومکون اولان ان پیس شکیلده" شرح ائدیلدیگینی بیل‌دیره‌رک، باش ناظیرین آچیقلاماسی‌نین لهستان اوردوسو اوچون آلینان یئنی سلاح‌لارلا باغلی اولدوغونو وورغولاییب.
لهستان اوردوسونو گوجلن‌دیرمک ایسته‌دیک‌لرینی وورغولایان دودا دئییب:
"لهستان-ین تهلوکه‌سیزلیگینی آرتیرماق اوچون میلیاردلارلا دو‌لارا آلدیغیمیز یئنی سلاح‌لاریمیزی باشقاسینا تحویل وئره بیلمریک. حاضیردا گونئی کره یاخود امریکا-دان آلدیغیمیز "آبرامز"، "پاتریوت" سیستم‌لری و یا هیمارس کیمی یئنی سلاح‌لارین تحویل وئریلمه‌سینه ایلک قارشی اعتراض ائدن من اولاجاغام".
دودا قئید ائدیب کی، اونلار لهستان ایله اوکراینا آراسیندا اول‌لر ایمضالانمیش تداروک موقاویله‌لرینی یئرینه یئتیریب‌لر و یئرینه یئتیرمه‌لی اولوب‌لار.
پرزیدنت دودا بیان ائدیب کی، اوردونون انبارلاریندان چیخاریلان بعضی حربی تجهیزات لارین کئچمیش شوروی سلاح‌لاری‌نین بو گونه قدر کؤچورولدوگو کیمی اوکراینایا وئریله بیلر.
قئید ائدک کی، حکومت سؤزچوسو پیوتر مولر بو گون ائرکن ساعات‌لاردا پاپ خبر آژانسینا بیلدیریب کی، "لهستان یالنیز اوکراینا ایله ایمضالانمیش موقاویله‌لره اساس‌لانان مهمات و سلاح‌لارین اول‌لر راضیلاشدیریلمیش تداروکونو حیاتا کئچیریب.
سپتامبرین 20-ده باش ناظیر موراویتسیکی "پولست نیوز" تلویزیونونا وئردیگی ایلک آچیقلامادا "اوکراینا حاکمیتینه خبردارلیق ائدیرم، اگر اونلار موناقیشنی بو شکیلده گرگین‌لش‌دیرسه‌لر، بیز لهستان اراضی‌سینه واردات قاداغاسینا داها چوخ محصول علاوه ائدجییک" دئییب.
موراویتسکی آخشام ساعات‌لاریندا وئردیگی ایکینجی آچیقلامادا "بیز آرتیق اوکراینایا هئچ بیر سلاح گؤندرمیریک، چونکی ایندی اؤزوموزو ان معاصر سلاح‌لارلا مسلح ائدجییک" ایفاده‌سینی ایشله‌دیب.
