ایسراییل قوه لری اوردون چایی‌نین باتی ساحلینده‌کی قاچقین دوشرگه‌سینه باسقین ائدیب
ایشغال آلتینداکی اوردون چایی‌نین باتی ساحیلینده‌‌کی جنین و اکبت جبر قاچقین دوشرگه‌لرینه باسقین‌لار زامانی ایسراییل حربچی‌لری طرفیندن اؤلدورولن فیلیسطین‌لی‌لرین سایی 5-ا یوکسلیب.
ایشغال آلتینداکی اوردون چایی‌نین باتی ساحیلینده‌‌کی جنین و اکبت جبر قاچقین دوشرگه‌لرینه باسقین‌لار زامانی ایسراییل حربچی‌لری طرفیندن اؤلدورولن فیلیسطین‌لی‌لرین سایی 5-ا یوکسلیب.
فیلیسطین-نین رسمی خبر آژانسی‌نین یایدیغی معلوماتا گؤره، ایسراییل قوه‌لری‌نین دونن آخشام ساعات‌لاریندا جنین قاچقین دوشرگه‌سینه ائتدیگی باسقین زامانی باش وئرن قارشیدورمادا یارا‌لانان داها بیر نفر حیاتینی ایتیریب.
فیلیسطین ساغلیق ناظیرلیگیندن داها اول وئریلن بیاناتدا ایسراییل قوه‌لری‌نین جنین قاچقین دوشرگه‌سینه ائتدیگی باسقین زامانی 3 فیلیسطین‌لی‌نین اؤلدوگونو، 30 فیلیسطین‌لی‌نین ده یارالاندیغینی بیلدیریلمیشدی.
فیلیسطین-نین رسمی خبر آژانسی‌نین معلوماتینا گؤره، اوردون چایی‌نین باتی ساحلی‌نین دوغوسونداکی اریحا شهری یاخینلیغیندا یئرلشن آکبت جبر قاچقین دوشرگه‌سینه ایسراییل قوه‌لری طرفیندن ائدیلن باسقین زامانی یارا‌لانان داها بیر فیلیسطینلی ده حیاتینی ایتیریب.
بؤلگه‌ده‌کی شاهیدلر آکبت جبر قاچقین دوشرگه‌سینه باسقی‌نین قارشی‌سینی آلماغا چالیشان فیلیسطین‌لی‌لرله ایسراییل قوه‌لری آراسیندا شدت‌لی قارشیدورما‌لارین یاشاندیغینی بیلدیریب.
ایسراییل حاکمیتی آکبت جبر قاچقین دوشرگه‌سینه ائدیلن باسقینلا باغلی آچیقلاما وئرمه‌ییب.
