پوتین، پریگوژینین جنازه مراسیمینه قاتیلمایاجاق

روسیا دؤولت باشقانی ولادیمیر پوتین، واگنرین قوروجوسو یوگنی پریگوژینین جنازه مراسیمینده ایشتیراک ائتمه‌یه‌جک.
روسیا دؤولت باشقانلیغی سارایی (کرملین) سؤزچوسو دمیتری پئسکوو، اؤزل جتین دوشمه‌سی نتیجه‌سینده بیلدیریله‌ن پریگوژینین یاخیندا گئرچکلشدیریلمه‌سی گؤزله‌نیله‌ن جنازه مراسیمینه باغلی باشکند موسکوادا ژورنالیستلره آچیقلامالار وئردی.
جنازه مراسیمینه باغلی بیلگی صاحبی اولمادیقلارینی ایفاده ائد‌ن پئسکوو،
"بو قونودا قرارلار عائله و یولداشلاری طرفین‌دن وئریلیر، اونلار اولمادان بیر شئی سؤیله‌یه‌بیلمریک. باشقانین (پوتین) مراسیمه ایشتیراکی گؤزلنمیر" دئدی.
روسیا فدرال هاوا داشیماچیلیغی آژانسیندان (روساویاتسیا) ۲۳ آگوست‌دا وئریله‌ن آچیقلامادا، ایچریسینده پریگوژینین ده اولدوغو اؤزل جتین توئرده دوشمه‌سی نتیجه‌سینده ۱۰ نفرین اؤلدوگو بیلدیریلمیشدی.
ولادیمیر پوتین، اوچاقدا اؤلنلرین عائله‌لرینه باش‌ساغلیغی دیله‌میشدی.