روسیا: خارکوودا اوستون مؤوضعلری اله گئچیردیک
"کوپیانسک ایستیقامتین‌ده، سالدیری دسته‌لری، گئنیش بیر جبهه‌ده‌کی هوجوم عملیاتلاری سیراسین‌دا خارکوو بؤلگه‌سین‌ده اولشانا یئرله‌شیم یئرلری یاخینلارین‌دا داها اوستون مؤوضعلری اله گئچردی"
روسیا ساوونما باخانلیغی سؤزچوسو ایگور کوناشئنکوو، روس عسگری بیرلیکلرینین اوکراینادا خارکوو بؤلگه‌سین‌ده کوپیانسک ایستیقامتینده‌کی اوستون مؤوضعلری اله گئچردیگینی بیلدیردی.
کوناشئنکوو، روس اوردوسونون اوکرایناداکی حرکتلرینه باغلی آچیقلاا وئردی.
روسیا سلاحلی گوجلرینین سالدیریلارینا داوام ائتدیگینی ایفاده ائدن کوناشئنکوو،
"کوپیانسک ایستیقامتین‌ده، 'باتی' عسگری بیرلیک قروپونون سالدیری دسته‌لری، گئنیش بیر جبهه‌ده‌کی هوجوم عملیاتلاری سیراسین‌دا خارکوو بؤلگه‌سین‌ده اولشانا یئرله‌شیم یئرلری یاخینلارین‌دا داها اوستون مؤوضعلری اله گئچردی" ایفاده‌سینی ایشله‌تدی.
کوناشئنکوو، بو گونه قدر اوکراینا اوردوسونا عاید ۴۵۸ اوچاق، ۲۴۵ هلیکوپتر، ۵ مین ۵۶۵ اینسانسیز هاوا آراجی، ۴۲۸ هاوا مدافعه ائتمه مرمی سیستئ‌می، ۱۱ مین ۱۸۵ تانک و زره‌لی آراج، ۱۱۴۴ چوخ لوله‌لی راکت آتار، ۵ مین ۸۰۳ هویتزر و توپ، ۱۲ مین ۱۳۷ اؤزل عسگری آراجی یوخ ائتدیکلرینی قید ائتدی.
