تهراندا ۳ قاتلی بیر بینا ییخیلدی
تهراندا، گاز پاتلاماسی میدانا گلن ۳ قاتلی بیر بینا چؤکدو
2021282
ایرانین باشکندی تهراندا، گاز پاتلاماسی میدانا گلن ۳ قاتلی بیر بینانین چؤکمهسی نتیجهسینده ۱۲ نفر یارالاندی.
تسنیم خبر آژانسینا گؤره، تهران یانغین سؤندورمه سؤزچوسو جلال ملکی،
"تهرانین گونئیینده جوانمرد قصاب محلهسینده گاز پاتلاماسی سببی ایله ۳ قاتلی بینا چؤکدو. ییخینتی آلتیندان ۱۲ نفر یارالی چیخاردیلدی" دئدی.
ایرانلی مسئول، پاتلاما و چؤکمهنین اطرافداکی بینالاردا دا خسارته یول آچدیغینی سؤیلهدی.
تهرانین گونئییندهکی خلازیر محلهسینده ده دونن، سندسیز اولدوغو ایفاده ائدیلهن ۳ بینا تیکیم مرحلهسینده چؤکموش، ۲سی پلیس ۴ نفر حیاتینی ایتیرمیش، ۴ نفر یارالانمیشدی.