اوکراینا: "اردوغان پوتینی قارا دنیز تاخیل دهلیزی سازیشینه قایتارا بیلهجک یگانه لیدئردیر"
کولبا قارا دنیز تاخیل دهلیزی سازیشی ایله باغلی اوکراینا دؤولت آژانسی "اوکرین فورما" آچیقلاما وئریب.
اوکراینانین خاریجی ایشلر ناظیری دمیترو کولبا بیلدیریب کی، جمهور باشقانی رجب طیب اردوغان روسیا پرزیدنتی ولادیمیر پوتینی قارا دنیز تاخیل دهلیزی سازیشینه قایتارا بیلهجک یگانه لیدئردیر.
کولبا قارا دنیز تاخیل دهلیزی سازیشی ایله باغلی اوکراینا دؤولت آژانسی "اوکرین فورما" آچیقلاما وئریب.
روسیانین راضیلاشمانی دایاندیردیغینی خاطیرلادان کولبا پوتینین بو راضیلاشمایا قاییتماسی ایله باغلی اوکراینانین تورکیه ایله قارشیلیقلی علاقهده اولدوغونو بیلدیریب.
کولبا "اوکراینا پوتینین قارا دنیز تاخیل دهلیزی موقاویلهسینه قاییتماسی اوچون اردوغان ایله علاقه ساخلاییر. اردوغان بو مسئلهده (اوکراینا پرزیدنتی) ولادیمیر زلنسکی ایله کووردیناسیوندادیر. بو، هر ایکی طرف اوچون فایدالیدیر. اردوغان پوتینی سازیشه گئری قایتارا بیلهجک یگانه لیدئردیر" دئییب.
خاطیرلاداق کی، 24 فوریه 2022-جی ایل تاریخینده باشلایان روسیا-اوکراینا محاربهسینین قلوبال ارزاق قیمتلرینه تأثیرینی آزالتماق اوچون بیرلشمیش میللتلر تشکیلاتی (بمت)، روسیا، تورکیه و اوکراینا آراسیندا قارا دنیز تاخیل دهلیزی سازیشی 22 جولای 2022-جی ایل تاریخینده ایستانبولدا کئچیریلن مراسیمده ایمضالانیب.
پوتینین سؤزچوسو دمیتری پسکوو جولایین 17-ده مدتی باشا چاتمیش موقاویله ایله باغلی آچیقلاما وئریب.
"تاخیل دهلیزی سازیشی فاکتیکی اولاراق باشا چاتیب، دایاندیریلیب. مووافیق شرطلر یئرینه یئتیریلن کیمی روسیا درحال تاخیل سازیشینه قاییداجاق. سازیشین روسیا ایله باغلی حیسهسی یئرینه یئتیریلمهییب"، -دئیه پسکوو قئید ائدیب.