اسرائیل فیلیسطینه سالدیردی
اسرائیلین جنین شهرینه قارشی هاوا سالدیریسی نتیجه‌سینده ۳ فلسطینلینین حیاتینی ایتیردیگی، اوچو آغیر ۱۳ نفرین ده یارالاندیغی ایفاده ائدیلدی
اسرائیلین، ایشغال آلتین‌داکی اردن چایینین باتی ساحلی‌نین جنین شهرینه تشکیل ائتدیی هاوا سالدیریسی و باسقین‌دا ۳ نفر حیاتینی ایتیردی، ۱۳ نفر یارالاندی.
اسرائیل اوردوسو، فیلیسطینه قارشی شدت ائیلملرینی داوام ائتدیریر.
فیلیسطین ساغلیق باخانلیغیندان وئریلن آچیقلامادا، اسرائیلین جنین شهرینه قارشی هاوا سالدیریسی نتیجه‌سینده ۳ فلسطینلینین حیاتینی ایتیردیگی، اوچو آغیر ۱۳ نفرین ده یارالاندیغی ایفاده ائدیلدی.
اسرائیل ساواش اوچاقلاری، جنین‌ده فیلیسطین‌لیلره عاید بیر ائوی ۳ موشکله هدف آلدی.
اسرائیل اوردوسو دا سؤز قونوسو هاوا سالدیریسینین آردین‌دان ایش ماشینلاری ایله شهره باسقین ائتدی و جنین سیغینماچی دوشرگه‌سینی محاصره‌یه آلدی.
فیلیسطین رسمی خبر آژانسی وفادا یئر آلان خبرده ده اسرائیل عسگرلرینین جنین سیغینماچی دوشرگه‌سی باسقینین‌دا فیلیسطین‌لیلره عاید بعضی ائولری محاصره ائتدیگی، عسگرلرین یارالیلاری آلماغا چالیشان آمبولانسلارا مانع اولدوغو ایفاده ائدیلدی.
اسرائیل اوچاقلاری دا چیخیش گیریشلره باغلانیلان جنین سیغینماچی دوشرگه‌سینین گؤیلرینده سیخ اوچوشلار ائتدی.
فیلیسطین ایسلامی جیهاد حرکتی، اسرائیلین سالدیریلارینا جاواب وئریله‌جگینی بیلدیردی.
