ایسراییل-ین قورولدوغو ایلدن فیلیسطینلی قاچقینلارین سایی
ایسراییلین قورولماسینا قدر گئدن پروسه ده سلاحلی سیونیست دستهلرین ترور هوجوملاری سببیندن 800 مین فیلیسطینلی ائولرینی ترک ائتمهلی اولوب.
ایسراییل-ین قورولدوغو 14 می 1948-جی ایلده مجبوری کؤچکون ائدیلن و بیرلشمیش میللتلر تشکیلاتینین فیلیسطینلی قاچقینلارا یاردیم آژانسینین (UNRWA) قئیدلرینده 750 مین اولاراق قئید ائدیلن فیلیسطینلی قاچقینلارین سایی 75 ایلدن سونرا 6،4 میلیونا یوکسلیب.
UNRWA-یا گؤره، "فیلیسطینلی قاچقین" 1 ژوئن 1946-جی ایل و 15 می 1948-جی ایل تاریخلری آراسیندا طبیعی یاشاییش یئری فیلیسطین اولان و 1948-جی ایل موناقیشهسی نتیجهسینده ائوینی و دولانیشیق ایمکانینی ایتیرمیش شخص اولاراق تعیین ائدیلیب. بو تعریفه اویغون گلن والدینلرین اؤلادلاری دا داخیلدیر.
فیلیسطین رسمی راپورلاری ایسه UNRWA-دا قئیدیاتدا اولمایانلار دا داخیل اولماقلا، 6،4 میلیوندان چوخ قاچقین اولدوغونو گؤستریر.
1948-جی ایلده ایسراییل قورولانا قدر تاریخی فیلیسطین تورپاغیندا 1 میلیون 400 مین فیلیسطینلی یاشاییردی. ایسراییلین قورولماسینا قدر گئدن پروسه ده سلاحلی سیونیست دستهلرین ترور هوجوملاری سببیندن 800 مین فیلیسطینلی ائولرینی ترک ائتمهلی اولوب.
بیرلشمیش میللتلر تشکیلاتینین فیلیسطینلی قاچقینلارا یاردیم آژانسی ایسه او دؤورده کؤچ ائتمک مجبوریتینده قالان فیلیسطینلیلرین سایینی 750 مین نفر حساب ائدیر. سؤزوگئدن دؤورده فیلیسطین-ده مجبوری کؤچه معروض قالان کند و شهرلرین سایی 1300-ا یوکسلیب. همین واخت ایسراییل حربچیلری طرفیندن اله کئچیریلن 774 شهر و کنددن فیلیسطینلیلره لره مخصوص 531-ی تامامیله داغیدیلیب.
فیلیسطین ایستاتیستیک اینستیتوتونون 2023-جو ایلین می آییندا درج ائتدیگی راپورا گؤره، 2022-جی ایلین سونونا فیلیسطین اهالیسی قاچقینلار دا داخیل اولماقلا 14،3 میلیون نفره چاتیب، یعنی 1948-جی ایلده باش وئرن بؤیوک فلاکتدن (نکبه) سونرا فیلیسطین-لینین اهالیسی تخمینن 10 دفعه آرتیب. 14،3 میلیون اهالینین تخمینن یاریسینا برابر اولان 7،1 میلیون نفری ایشغال اولونموش فیلیسطین تورپاقلاریندا یاشاییر. سؤزوگئدن 7،1 میلیون فیلیسطینلیدن 3،2 میلیونو اوردون چایینین باتی ساحلینده، 2،2 میلیونو غزه زولاغیندا، 1،7 میلیونو ایسه ایسراییلده یاشاییر.