ایراندا بیر چوخ ایش یئری قاپادیلدی
مؤهورلهنن کافه و رستورانلارین چوخونون مشهور شخصلره عاید اولماسی سوسیال مئدیا ایستیفادهچیلرینین تپکیسینه سبب اولدو
ایرانین باشکندی تهراندا باشی آچیق شخصلره خیدمت وئردیگی اوچون داها اؤنجه اویاریلدیغی آنجاق بونلاری دقته آلمادیغی و خیدمت وئرمهیه داوام ائتدیگی ایرلی سورولهن بیر چوخ ایشلتمه مؤهورلندی.
ایرانین یاری رسمی تسنیم خبر آژانسینا گؤره، تهراندا فعالیتده اولان بیر چوخ ایشلتمه ایله بیر آلیش وئریش مرکزی، باشی آچیق موشتریلره خیدمت وئردیگی سببی ایله باغلانیلدی.
خبرده، سؤزو گئدن ایشلتمهلرین باش اؤرتوسو و عفاف قایدالارینی پوزماسی سببی ایله اویاریلاری دقته آلماییب حرکتی داوام ائتدیردیگی اوچون مؤهورلندیگی بیلدیریلدی.
اکثریتی کافه و رستورانلاردان عبارت اولان و باغلانیلان ایشلتمهلر آراسیندا ۳ داواخانا دا یئر آلدی.
شهرین باتیسیندا یئر آلان، اونلارجا ایشلتمهنین اولدوغو و یوزلرجه اینسانین چالیشدیغی بیر آلیش وئریش مرکزینین تامامیله مؤهورلنمهسی ایسه دقت چکدی.
مؤهورلهنن کافه و رستورانلارین چوخونون مشهور شخصلره عاید اولماسی سوسیال مئدیا ایستیفادهچیلرینین تپکیسینه سبب اولدو.
سوسیال مئدیادا پایلاشیلان مئساژلاردا، سؤز قونوسو شخصلرین مهسا امینینین گؤزآلتیندا ایکن حیاتینی ایتیرمهسی اوزرینه باشلایان گؤستریلره دستک وئردیگی و ایشلتمهلرینین ده بونا گؤره باغلانیلدیغی ادعا ائدیلدی.
تهراندا ۱۳ سپتامبر ۲۰۲۲ده "اخلاق پلیسی" اولاراق بیلینهن ارشاد گشتی طرفیندن گؤزآلتینا آلیندیقدان سونرا پیسلهشیب خستهخانایا قالدیریلان ۲۲ یاشینداکی مهسا امینی، ۱۶ سپتامبردا حیاتینی ایتیرمیشدی.
امینینین اؤلومو اوزرینه باشلایان گؤستریلر، اؤلکهیه یاییلاراق رهبرلیک قارشیدی اعتراضلارا چئوریلمیش، اعتراضلاردا یوزلرجه اینسان حیاتینی ایتیرمیشدی. امینینین اؤلومونه اعتراض ائدن و مجبوری گئییم قایداسینا قارشی چیخان مینلرجه اینسان گؤزآلتینا آلینمیشدی.
اؤلکهده شخصلر آراسیندا زامان زامان "باش اؤرتوسونو لازیم اولدوغو کیمی تاخماما" سببی ایله دارتیشمالار چیخیر، باش اؤرتوسو قورالینا اویمایانلارا خیدمت وئرن ایشلتمهلر ایسه مؤهورلهنیر.