ایران‌دا اوخوللاردا باش وئرن زهرله‌نمه‌لرله باغلی گؤزآلتی
"اوخوللاری باغلاماق، اوخوللارین نظامینی، گوونلیگینی و اؤیرنجیلرین دینجلیگینی پوزماق مقصدیله حرکت ائد‌ن شخصلر معین ائدیله‌رک گؤزآلتینا آلیندی"
ایران‌دا عمومیتله قیز اوخوللارین‌دا باش وئرن و اؤلکه‌ده اعتراضلارا سبب اولان توپلو زهرله‌نمه حادثلریله باغلی بعضی شخصلر گؤزآلتینا آلیندی.
بروجرد والیلیگی طرفین‌دن وئریله‌ن آچیقلامادا، شهرده‌کی اوخوللاردا توپلو زهرله‌نمه حادثلریله باغلی معین ائدیله‌ن شخصلرین توتولدوغو ایفاده ائدیلدی.
اؤزللیکله سون گونلرده بعضی اوخوللاردا میدانا گلن حادثه‌لرین اؤیرنجیلر و عائله‌لر آراسیندا قایغیلارا سبب اولدوغونا ایشاره ائدیله‌ن آچیقلامادا، "بو چرچیوه‌‌ده اوخوللاری باغلاماق، اوخوللارین نظامینی، گوونلیگینی و اؤیرنجیلرین دینجلیگینی پوزماق مقصدیله حرکت ائد‌ن شخصلر معین ائدیله‌رک گؤزآلتینا آلیندی" ایفاده‌لرینه یئر وئریلدی.
آچیقلامادا، نئچه نفرین گؤزآلتینا آلیندیغی ایفاده ائدیلمزکن توپلو زهرله‌نمه حادثه‌لرینین فاعللرینین ان آغیر شکیلده جزالاندیریلاجاغی قید ائدیلدی.
ایران‌دا ۳۰ نوامبر ۲۰۲۲دن بو یانا، عمومیتله قیز اؤیرنجیلرین تحصیل آلدیغی اوخوللاردا زامان زامان توپلو زهرله‌نمه حادثه‌لری یاشانیر.
اؤیرنجیلرده تنفس چتینلیگی، اوره‌ک بولانماسی، باش آغریسی و عضولرده اویوشما کیمی علامتلر گؤرولور. بو آنا قدر اؤلکه‌ده یوزلرجه اوخول‌دا مینلرجه اؤیرنجی زهرله‌ندی.
ایران ایچ ایشلری باخانلیغی، ۱۱ مارس‌دا وئردیگی یازیلی آچیقلامادا، تهران، قوم، زنجان، خوزیستان، همدان، فارس، گیلان، باتی آذربایجان، دوغو آذربایجان، کوردوستان و رضوی خوراسان ایالتلرینده‌کی اوخوللاردا توپلو زهرله‌نمه حادثه‌لری ایله باغلی اولدوقلاری شوبهه‌سی ایله ۱۰۰دن چوخ شخصین گؤزآلتینا آلیندیغینی بیلدیرمیشدی.
تخمیناً بیر آیدیر یاشانمایان توپلو زهرله‌نمه حادثه‌لری سون گونلرده یئنی‌دن گؤرولمه‌یه باشلاندی.
