زلنسکی: "روسیا اوردوسو زاپوریژیا-نی بومبالادی"

اوکراینا پرزیدنتی ولودیمیر زلنسکی روسیا اوردوسونون زاپوریژیا هاوا هوجوموندان ساوونما سیستمی اس-300-لرله ووردوغونو بیل‌دیره‌رک، هوجومدا بیری اوشاق اولماقلا 2 نفرین اؤلدوگونو، 1 نفرین ایسه آغیر یارالاندیغینی آچیقلاییب.

ولودیمیر زلنسکی گئجه راده‌لرینده خالقا مراجعتینده خسته‌خانادا معالیجه آلان یارا‌لی قادینین وضعیتی‌نین آغیر اولدوغونو بیلدیریب و هوجوما رئاکسیا گؤستریب.

24 فوریه 2022-جی ایلده باشلایان روسیا هوجوم‌لاری‌نین بایرام گون‌لرینده ده داوام ائتدیگینی بیلدیرن زلنسکی "بو یوللا روسیا اؤزونو دونیا‌دان، اینسان‌لیق‌دان داها دا تجرید ائدیر. هر بیر خریستیان بایرامی بیزه نئجه اولدوغونو بیلمسک ده، پیسلیگین اودوزاجاغینا امین اولماغی اؤیره‌دیر. بیز اینانماغا مجبوروق و اینانیریق" دئییب.

"شرین مغلوبیتینی داها دا یاخینلاشدیرمالیییق و اونو داها دا یاخین‌لاش‌دیریریق. دونیا بیزیمله‌دیر. هر آی، هر هفته دستک آرتیر، بیزه دستک اولان‌لارین، جسارتیمیزه، حیاتا اینامیمیزا دستک اولان‌لارین دایره‌سی گئنیش‌لنیر. من دونیادا حاضیردا اوکراینانین یانیندا اولان هر کسه تشککور ائتمک ایستردیم"، - دئیه او قئید ائدیب.