روسیادا اوکراینایا عاید اوچاق دوشدو

روسیا فدرال گوونلیک سرویسی، اؤلکه‌نین بریانسک بؤلگه‌سینه اوکراینایا عاید یونگول موتورلو بیر اوچاغین دوشدوگونو، پیلوتون گؤزآلتینا آلیندیغینی بیلدیردی.

روسیا فدرال گوونلیک سرویسیندن روس خبر آژانسی ریا نووستییه وئریله‌ن آچیقلامادا، روسیانین اوکراینا سرحدینده‌کی بیرانسک بؤلگه‌سین‌ده اوکراینایا عاید بیر یونگول موتورلو اوچاغین دوشدوگو ایفاده ائدیلدی.

قضانین آردین‌دان پیلوتون اوکراینایا قاچماغا چالیشدیغی معلوماتینا یئر وئریله‌ن آچیقلامادا، سرحد تهلوکه‌سیزلیک گوجلرینین پیلوتو یاخالایاراق گؤزآلتینا آلدیغی قید ائدیلدی.

آچیقلامادا، حادثه‌یه باغلی سوروشدورما باشلادیلدیغی ایفاده ائدیلدی.