اوکراینا: ایران اوره تیمی 14 پهپاد محو ائدیلیب

اوکراینا اودسادا روسیایا مخصوص ایران اوره تیمی 14 پیلوت‌سوز اوچوش آپاراتی‌نین (پهپاد ) وورولدوغونو آچیقلاییب.

اوکراینانین گونئی قوموتانلیغی روسیانین گئجه ساعات‌لاریندا ایران تولیدی اولان "شاهد" پهپادلاری ایله اودسایا هوجوم ائتدیگینی بیلدیریب.

آچیقلامادا آزوو دنیزی‌نین دوغو ساحلیندن گؤندریلن 17 پهپاد-دان 14-نون محو ائدیلدیگی وورغولانیب.

آچیقلامادا پهپاد-لاردان بیری‌نین اودسا ویلایتینده موسسه‌لردن بیرینی هدف آلماسی نتیجه‌سینده یانغی‌نین باش وئردیگی بیلدیریلیب.

خاطیرلاداق کی، 2022-جی ایل فوریه‌نین 24-ده روسیا پرزیدنتی ولادیمیر پوتین اوکراینانی ایشغال ائتمک امرینی وئردی و بونونلا دا روسیا-اوکراینا محاربه‌سی باشلادی.