ایران‌دا مجبوری باش اؤرتوسو ایله باغلی اعلان یاییملاندی

ایران‌دا اونیوئرسیته‌لر و اورتااؤیرنیم اوخوللاریندا مجبوری باش اؤرتوسو قورالینا اویمایان اؤیرنجیلر تحصیل آلابیلمه‌یه‌جک.
ایران مئدیاسینا گؤره، اؤلکه‌ده یوکسک اؤیرنیم قوروملارینین باغلی اولدوغو بیلیم، آراشدیرما و تکنولوژی باخانلیغی ایله میللی تحصیل باخانلیغی قونو ایله باغلی آیری آیری اعلان یاییملادی.
هر ایکی باخانلیغین اعلانین‌دا، اؤرتونمه قانونونا رعایت ائتمه‌یه‌ن اؤیرنجیلرین تحصیل‌دن فایدالانابیلمه‌یه‌جکلری ایفاده ائدیلدی.
بو آرادا، مازندران ایالتینده اونلارجا اینسان، مجبوری اؤرتونمه قانونونون تطبیق اولونماسی طلبی ایله گؤستری تشکیل ائتدی.
انتخاب خبر سایتی، مازندران ایالتینین رامسر شهرین‌ده اؤرتونمه قانونونلارینا اویمایانلارا تپکی مقصدیله تشکیل ائدیله‌ن ائیلمین گؤرونتولرینی یایینلادی.
گؤستریچیلر، "تپکیسیز قالمایاق" و "هامیمیز مسئولوق" پلاکاردلاری داشیدی.
شهرده باش اؤرتوسونه رعایت ائتمه‌یه‌ن شخصلردن شیکایتچی اولان گؤستریچیلر، مازندران ایالت والیسی محمد حسین‌پورا تپکی وئردی.
والی ایله دانیشان گؤستریچیلردن بیری، "سایین والی، سیز بیزیم طرفیمیزده‌سینیز (بونو بیلیریک). اگر سیز، بیر شئی ائده‌بیلمیرسینیزسه، بیز موداخیله ائدک. (رمضانا باخمایاراق) شهرده‌کی بوتون رستورانلار آچیق و موشتریلرین هامیسی چیلپاق. اگر سیز موداخیله ائتمه‌یه‌جکسینیزسه بیز موداخیله ائدک" ایفاده‌لرینی ایشلتدی.
ایران‌دا گئچه‌ن ایل سپتامبر آیین‌دا، ۲۲ یاشین‌داکی بیر قادینین، اخلاق پلیسی طرفین‌دن گؤزآلتینا آلینما‌سینین آردین‌دان حیاتینی ایتیرمه‌سی ایله، اؤلکه‌ده گؤستریلر باشلامیشدی.
اعتراضلار، ۱۹۷۹دان بو یانا تطبیق اولونان مجبوری باش اؤرتوسو قانونونون یوموشادیلما‌سی طلبلرینی یئنی‌دن گوند‌مه گتیرمیشدی.

تخمیناً ۴ آی داوام ائد‌ن گؤستریلر سونراسین‌دا بعضی شهرلرده قادینلارین، اؤلکه‌ده زروری اولان چادرا قای‌دالارینا ریایت ائتمدیکلریله الاقدار تنقیدلر ائدیلیر.