اوکراینا اوردوسو باخموت-دا روسیانین هوجوم‌لارینا مقاومت گؤستریر
اوکراینا باش قرارگاهی روسیا قوه‌لری‌نین 4 راکت و 24 هاوا هوجومو تشکیل ائتدیگینی آچیقلاییب.
اوکراینا باش قرارگاهی روسیا قوه‌لری‌نین 4 راکت و 24 هاوا هوجومو تشکیل ائتدیگینی آچیقلاییب.
روسیانین اوکراینانین پایتاختی کیئو بؤلگه‌سی‌نین رژیشچیو شهرینه تشکیل ائتدیگی هوجوم‌لاردا 3 دینج ساکین حیاتینی ایتیریب، 2 نفر ایسه یارالانیب.
اوکراینا فوق العاده حال‌لار خیدمتی‌نین (DSNS) "تلگرام" حسابیندان وئریلن یازی‌لی آچیقلامادا روسیا قوه‌لری‌نین کیئو بؤلگه‌سینده‌کی رژیشچیو شهرینه هوجوم ائتدیگی بیلدیریلیب.
سحر ساعات‌لاریندا باش وئرن هوجومدا 3 نفرین اؤلدوگو، 2 نفرین یارالاندیغی باره‌ده معلومات‌لارین یئر آلدیغی آچیقلامادا داغینتی‌لار آلتیندا 4 سیویل شخصین قالدیغی قئید ائدیلیب.
آچیقلامادا حادثه یئرینده آختاریش-قورتارما ایشلری‌نین داوام ائتدیگی، هوجوم‌لار نتیجه‌سینده 2 یاشاییش ائوی‌نین و بیر اورتا مکتب بیناسی‌نین قیسمن داغیلدیغی بیلدیریلیب.
اوکراینا مطبوعاتیندا یئر آلان خبرلرده هوجومون پیلوت‌سوز اوچوش آپارات‌لاری ایله حیاتا کئچیریلدیگی ادعا ائدیلیب.
"روسیا بو گئجه 20-دن چوخ ایران منشأ‌لی پیلوت‌سوز اوچوش آپاراتی و راکت‌لرله اوکراینایا هوجوم ائدیب".
بونو اوکراینا پرزیدنتی ولودیمیر زلنسکی سوسیال مئدیا حسابیندان ائتدیگی پای‌لاشیمدا دئییب.
زلنسکی "بو، ساده‌جه اولا‌راق، اوکراینایا قارشی بیر گئجه‌ده تؤردیلمیش ترور آکتی‌دیر. نه زامان مسکوادا کیمسه "باریش" سؤزونو ائشیتمه‌یه چالیشسا، اورادا بو تیپ جینایتکار هوجوما باشلاماق امری وئریلیر. اوکراینا قوه‌لری‌نین قورودا، هاوادا و دنیزده اوغورلاری باریشی یاخینلاشدیریر" ایفاده‌لریندن ایستیفاده ائدیب.
روسیایا قارشی تحریم لره عمل ائدیلمه‌لی اولدوغونو و بونون بیرلشمیش میللت‌لر تشکیلاتی‌نین (بمت) نیظامنامه‌سینی گوجلندیردیگینی وورغولایان زلنسکی "قلوبال بیرلیک قلوبال ثابت‌لیگی برپا ائده بیلر" دئییب.
اوکراینا اوردوسو ایسه باخموت-دا روسیانین هوجوم‌لارینا مقاومت گؤستریر.
اوکراینا باش قرارگاهی روسیا قوه‌لری‌نین 4 راکت و 24 هاوا هوجومو تشکیل ائتدیگینی آچیقلاییب.
روسیا قوه‌لری‌نین مهم سویه‌ده سلاح و حربی گوج ایتکی‌سینه باخمایا‌راق، بؤلگه‌نی اله کئچیرمک جهدلرین‌ن ال چکمه‌دیگی بیلدیریلیب.
قئید ائدک کی، اینگیلتره اوکراینایا ترکیبینده ضعیف‌له‌دیلمیش اورانیوم اولان زره پوش ده‌لن مهمات وئره‌جک.
مرمی‌لرین معاصر تانک‌لارین و زره لی آراج لارین محو مهو ائدیلمه‌سینده سون درجه افکتیو اولدوغو بیلدیریلیب.
روسیانین خاریجی ایشلر ناظیری سرگئی لاوروو لندونون بو حرکتینه رئاکسیا وئریب.
لاوروو بیلدیریب کی، بو جور حرکت‌لر بوتون دونیادا ایستراتژی ثابت‌لیگی پوزور.
امریکا ایسه کؤهنه تانک‌لارین گؤوده‌لرینی یئنیله‌ییب اوکراینایا وئره‌جک.
امریکا ساوونما ناظیرلیگی پنتاگونون وئردیگی آچیقلامادا، تانک تداروکونو سرعتلن‌دیرمک اوچون اوکراینا اوردوسونا یئنی " آبرامز" تانک‌لاری‌نین عوضینه کؤهنه تانک‌لارین وئریله‌جگی بیلدیریلیب.
اوکراینا اولوسلار آراسی پول صاندیغی ایله 15 میلیارد 600 میلیون دو‌لارلیق مالیه پاکتی ایله باغلی راضیلیغا گلیب.
