ایراندا قیز اوخوللاریندا زهرلنمه‌لر دارتیشمالاری آلوولاندیردی
اؤلکه‌ده، اوخولا گئتمه‌لرینین انگللنمه‌سی آماجی ایله قیز اوشاقلارینین قصدلی اولاراق زهرلندیگی ادعالاری اورتایا آتیلدی
ایراندا اوچ آیدا قوم، تهران، اصفهان و بروجرد شهرلرینده‌کی ۱۴ اوخولدا، ۶۵۰ قیز اؤیرنجی زهرله‌ندی.
یاشانان بو گلیشمه ائرته‌سینده، اؤلکه‌ده، اوخولا گئتمه‌لرینین انگللنمه‌سی آماجی ایله قیز اوشاقلارینین قصدلی اولاراق زهرلندیگی ادعالاری اورتایا آتیلدی.
حکومت سؤزچوسو علی بهادوری جهرومی، زهرله‌نمه‌نین قایناغینین تاپیلماسی اوچون اطلاعات و تحصیل باخانلیقلارینین بیرلیکده چالیشاجاغینی بیلدیردی.
ایلک اولاراق، ۳۰ نوامبردا قوم شهرینده‌کی بیر اوخولدا ۱۸ قیز اؤیرنجی خسته‌خانایا آپاریلدی، زهرله‌نمه علائمی گؤرولدو.
دیگر شهرلرده‌کی قیز اوخوللاریندا دا بنزر حادثه‌لره راست گلینمه‌سی دارتیشمالاری آلوولاندیردی.
عائله‌لر، گلیشمه‌لر قارشیسیندا راحاتسیز‌لیقلارینی دیله گتیررکه‌ن، ادعالارین آردی آرخاسی کسیلمه‌دی.
بیر کسیم، قیز اؤیرنجیلرین، اؤلکه‌ده سون آیلاردا پاتلاق وئره‌ن اعتراضلار سببی ایله هدف آلیندیغینی ادعا ائتدی.
بیر باشقا کسیم ده قیز اؤیرنجیلرین اوخولا گئتمه‌لرینین انگللنمه‌یه چالیشیلدیغینی ادعا ائتدی.
ساغلیق باخانلیغی خسته‌لیگین یونگول سوووشدورولدوغونو آچیقلادی، "زهرله‌نمه‌لرین اؤلومجول دئییل، قورخویا سبب اولمامالی" دئدی.
ایران ساغلیق باخانی کؤمکچیسی یونوس پناهی‌‌دن ده "آیدین اولان او کی، بعضلری، بوتون اوخوللارین، اؤزللیکله ده قیز اوخوللارینین باغلانیلماسینی ایسته‌ییر" آچیقلاماسینی وئردی.
