ایسراییل-ین باسقی‌نینا گؤستریلن رئاکسیا‌لار
امریکا ایسراییل اوردوسونون ایشغال آلتینداکی اوردون چایی‌نین باتی ساحلی‌نین قوزیی ینده‌کی نابلس شهرینده‌‍کی باسقیندا سیویل اینسان اؤلوم‌لری و یارالانما‌لاردان ناراحات اولدوغونو بیلدیریب.
امریکا ایسراییل اوردوسونون ایشغال آلتینداکی اوردون چایی‌نین باتی ساحلی‌نین قوزیی ینده‌کی نابلس شهرینده‌‍کی باسقیندا سیویل اینسان اؤلوم‌لری و یارالانما‌لاردان ناراحات اولدوغونو بیلدیریب.
امریکا خاریجی ایشلر ناظیرلیگی‌نین سؤزچوسو ند پرایس پایتاخت واشینگتن-دا گونده‌لیک مطبوعات کنفرانسیندا ایسراییل اوردوسونون ایشغال آلتینداکی اوردون چایی‌نین باتی ساحلینده‌کی نابلس شهرینه تشکیل ائتدیگی هوجومو قیمتلندیره‌رک دئییب:
"ایسراییل و اوردون چایی‌نین باتی ساحلینده‌کی زوراکی‌لیق حادثه‌لریندن خیلی ناراحاتیق. ایسراییل قوه‌لرینین موداخیله‌سینده سیویل وطنداش‌لارین اؤلمه‌سی و خسارت آلما‌لاری بیزی جدی معنادا ناراحات ائدیر. اوردون چایی‌نین باتی ساحلینده‌کی تهلوکه‌سیزلیک دورومونو یاخشی‌لاش‌دیرماق اوچون طرف‌لر بیرگه عاجیل اولا‌راق ایشلمه‌لی‌دیرلر. ایسراییلی فیلیسطین‌لی عائله‌لرین ائولریندن چیخارماق، منزیل‌لری سؤکمک و غیری-قانونی یاشاییش منطقه‌لرینی آرا‌دان قال‌دیرماق کیمی گرگین‌لیگی آرتیران آددیملاریندان چکینمه‌یه چاغیریریق. ایسراییل‌لیلر و فیلیسطین‌لی‌لر امین-آمان‌لیق و تهلوکه‌سیزلیک ایچینده عینی درجه‌ده یاشاماغا لاییق‌دیرلر".
سعودی عربیستانی، قطر، بیرلشمیش عرب امیرلیک‌لری، کویت، الجزایر، عمان و میصر ده ایسراییل اوردوسونون ایشغال آلتینداکی اوردون چایی‌نین باتی ساحلینده 11 فیلیسطین‌لی‌نین اؤلومو و 100-دن چوخ فیلیسطین‌لی‌نین یارالانماسی ایله نتیجه‌لنن باسقینی قیناییب.
ایلگیلی‌لی خبرلر
حوثی لر:"ایسراییل گمیسینی ووردوق"
یمن-ده‌کی حوثی لر عدن کؤرفزینده ایسراییل گمیسینی ووردوق‌لارینی بیلدیریب‌لر.
