بایدن کییئوده
"سفرینیز اوکراینالیلارین هامیسی اوچون سون درجه اؤنملی بیر دستک سمبولو"
آمریکا بیرلشمیش دؤولتلری باشقانی جو بایدندن، روسیانین ۲۴ فوریهده سالدیری باشلاتدیغی اوکراینانین باشکندی کیئوه سورپریز سفر...
اوکراینا دؤولت باشقانی ولودیمیر زلنسکی ایله بیر آرایا گلن بایدن، کیئودن وئردیگی ایلک آچیقلامادا بو ایفادهلری ایشلتدی:
"دونیا، روسیانین اوکرایناداکی شدتلی ایشغالینین بیرینجی ایل دؤنومونه گیرمهیه حاضیرلانارکن بو گون دؤولت باشقانی زلنسکی ایله گؤروشمک و اوکراینانین دموکراسیسی، اگمنلیگی و تورپاق بوتونلوگونه اولان باغلیلیغیمیزی یئنیدن گؤسترمک اوزره، کیئودهیهم.
(روسیا دؤولت باشقانی ولادیمیر) پوتین، هاراداسا بیر ایل اوؤنجه ایشغالی باشلاتدیغیندا اوکراینا گوجسوز بیر حالدا ایدی و باتی بؤلونموش وضعیتده ایدی. بیزی مغلوب ائدهبیلهجگینی دوشوندو اما تامامیله حاقسیز ایدی.
بو گون کیئوده زلنسکی و اکیبی ایله اوکراینایا دستگیمیز حاقیندا گئنیش مقیاسلی بیر گؤروشمه ائدجهیهم. اوکراینا خالقینین هاوا بومباردمانلاریندان قورونماسینا یاردیمچی اولماق اوچون توپچو مهماتی، زره اؤنلهییجی سیستملر و هاوا گؤزلم رادارلاری داخیل اولماق اوزره حساس تجهیزاتین بیر باشقا گؤندریمینی بیلدیرهجهیهم".
اوکراینا دؤولت باشقانی زلنسکی ده تلگرام حسابیندان بایدن ایله گؤروشمهسینین شکیلینی یاییملادی و "سفرینیز اوکراینالیلارین هامیسی اوچون سون درجه اؤنملی بیر دستک سمبولو" دئیه یازدی.
ایلگیلیلی خبرلر
عراقین شیمالینداایکی ترورچو ضررسیزلشدیریلیب
عراقین شیمالینداکی قارا بؤلگهسینده بولوجو ترور تشکیلاتی پ.کا.کالی ایکی ترورچو ضررسیزلشدیریلیب.
غزهده هلاک اولان لارین سایی 41 مینی اؤتوب
ایسراییلین غزهیه هوجوملاری نتیجهسینده هلاک اولانلارین سایی آرتماقدا داوام ائدیر.