سوریه‌دن بیرلشمیش میللتلره تپکی
"سوریه‌نین قوزئی باتیسینا بیرلشمیش میللتلر تشکیلاتی یاردیملارینین گئج چاتماسی و یئرلی یاردیم قورولوشلارینین زلزله فاجعه‌سی ایله موباریزه‌ده یالنیز قویولماسی ییخیم آلتیندا اؤلنلرین ساییسینین آرتماسینا یول آچدی"
۶ فوریه‌ده قهرمان ماراش مرکزلی زلز‌له‌لرین ووردوغو سوریه‌نین قوزئی باتیسینداکی بؤلگه‌لره، بیرلشمیش میللتلر تشکیلاتینین یاردیملارینین گئجیکمه‌سینین اؤلنلرین سایینین آرتماسینا سبب اولدوغو بیلدیریلدی.
سوریه‌ده مولکی شخصلره قارشی حقوق پوزونتولارینی سندلشدیره‌ن سوریه اینسان حاقلاری شبکه‌سی، یاییملادیغی راپوردا، زلزله‌لردن ائتکیلنن سوریه‌نین قوزئی باتیسینداکی بؤلگه‌لره اینسانی یاردیم چاتدیرما و موداخیله قونوسوندا بیرلشمیش میللتلر تشکیلاتی و اونون قوروملارینی "گئجیکمکله" سوچلادی.
راپوردا، "سوریه‌نین قوزئی باتیسینا بیرلشمیش میللتلر تشکیلاتی یاردیملارینین گئج چاتماسی و یئرلی یاردیم قورولوشلارینین زلزله فاجعه‌سی ایله موباریزه‌ده یالنیز قویولماسی ییخیم آلتیندا اؤلنلرین ساییسینین آرتماسینا یول آچدی" ایفاده‌لری یئر آلدی.
بیرلشمیش میللتلر تشکیلاتی مسئوللارینین سوریه‌ده‌کی زلز‌له‌دن ضرر گؤرنلره اولوسلارآراسی یاردیملارین چاتدیریلماسیندا یاشانان گئجیکمه‌لره گؤره دلیللرینین "اساسسیز" اولدوغو دگرلندیریلن راپوردا، بیرلشمیش میللتلر تشکیلاتیندان، سوریه‌نین قوزئی باتیسیندا زلز‌له‌لرین ووردوغو بؤلگه‌لره اولوسلارآراسی یاردیملارین چاتدیریلماسیندا یاشانان گئجیکمه‌نین سببینی آچیقلایان بیر ایچ سوروشدورما آچماسی ایسته‌نیلدی.
قهرمان ماراش مرکزلی زلز‌له‌لرده سوریه‌ده یاریسیندان چوخو موخالیفلرین کنترلونداکی بؤلگه‌لرده اولماق اۆزره ان آز ۳ مین ۶۸۸ نفر حیاتینی ایتیردی، ۱۴ مین ۷۴۹ نفر یارالاندی.
دۆنیا ساغلیق هؤرگوتو، سیراغا گون اؤلنلرین ساییسینین ۸۵۰۰ نفر اولدوغونو آچیقلامیشدی.
ایلگیلی‌لی خبرلر
ایراندا 5 ریشتر گوجونده زلزله
رضوی خراسان ایالتینین کاشمر بؤلگه‌سینده زلزله نتیجه‌سینده 4 نفر اؤلوب 120 نفر‌ده خسارت آلیب
