فاناتیک یهودی کلیسه‌یه سالدیردی
اسرائیل پلیسی، "اسکی شهرده بیر کلیسه‌ده‌کی هیکلی داغیدان آمریکا بیرلشمیش دؤولتلری وطنداشی توریستین" گؤزآلتینا آلیندیغینی بیلدیردی
ایشغال آلتینداکی دوغو قدسون اسکی شهر بؤلگه‌سینده، تاریخی کلیسه‌یه گیرن فاناتیک بیر یهودی، چکیجله عیسی‌نین هیکلینه سالدیردی.
اسرائیل پلیسی، یاییملادیغی یازیلی آچیقلامادا، "اسکی شهرده بیر کلیسه‌ده‌کی هیکلی داغیدان آمریکا بیرلشمیش دؤولتلری وطنداشی توریستین" گؤزآلتینا آلیندیغینی بیلدیردی.
سالدیرقانی دوردوران کلیسه‌نین گۆونلیک مأمورو، بؤلگه‌ده داها اؤنجه ده قارشیلاشدیغی سالدیرقانین "فاناتیک یهودی" اولدوغونو بیلدیردی.
پلیسین آچیقلاماسیندا، سالدیرقانی "آمریکالی بیر توریست" اولاراق تانیملادیغینین سوروشولماسی ایله گۆونلیک مامورو، شخصی "بیر دفعه‌دن چوخ کلیسه‌نین اولدوغو بؤلگه‌ده گؤردوگونو و اونون فاناتیک بیر یهودی اولدوغونو» یئنه‌له‌دی.
فاناتیک یهودی یئرلشیمچیلرین گئچمیشده ده "کلیسه‌یه سالدیردیغی، سؤیوش سؤیودوگو، قاریشیقلیق چیخاردیغینی" قید ائد‌ن گؤونلیک مامورو، دفعه‌لرله پلیسه شیکایت ائتدیگینی، گؤزآلتینا آلینانلارین سربست بوراخیلدیغینی و شیکایتلرین سونوجسوز قالدیغینی بیلدیردی.
قدس لاتین کاتولیک کلیسه‌سینن کشیش نیکودموس شنابل، سوسیال مئدیا حسابیندان ائتدیگی پایلاشیمدا، خریستیانلیق اۆچون قوتسال کلیسه‌یه ائدیله‌ن سالدیرییا ایشاره ائد‌رک یازدی:
"خریستیانلارادان نیفرت ائد‌ن، حکومت طرفیندن دستکلنه‌ن و تشویق ائدیلن یئنی اسرائیله خوش گلمیسینیز".
اسرائیل‌ده‌کی خریستیان توپلومو تمثیل ائد‌ن قدس قوتسال شهر محافظلیگی طرفیندن وئریلن یازیلی آچیقلامادا ایسه سون واختلار خریستیان توپلوما قارشی ائدیلن سوچلارداکی آرتیشین قایغی ایله تعقیب ائدیلدیگی بیلدیریلدی و اسرائیل مقاملارینا دینی آزلیقلاری قورونماسی چاغریسی ائدیلدی.
ایلگیلی‌لی خبرلر
تاخیل دهلیزیندن داشینان تاخیلین میقداری 25 میلیون تونو اؤتوب
تاخیل دهلیزی واسیطه‌سیله ایله داشینان تاخیلین میقداری 25 میلیون تونو اؤتوب.
افغانیستاندا اوخولا سالدیری
سالدیریدا ایکی اؤیرنجینین حیاتینی ایتیردیگی، ۴ اؤیرنجینین یارالاندیغی بیلدیریلدی
