سئرگی لاوروو: "تورکیه-نین ناراحات‌لیغینی باشا دوشوروک"
سئرگی لاوروو روسیانین 2022-جی ایلده‌کی دیپلوماتیک فعالیتی ایله باغلی کئچیردیگی مطبوعات کنفرانسیندا گوندم‌ده‌‌کی مسئله‌لری دیرلندیریب.
روسیانین خاریجی ایشلر ناظری سئرگئی لاوروو اؤلکه‌سی‌نین سوریه مسئله‌سینده تورکیه ایله باغلانمیش موقاویله‌لرده‌کی بوتون عهده‌لیک‌لری هله ده یئرینه یئتیرمه‌دیگینی بیلدیریب.
سئرگی لاوروو روسیانین 2022-جی ایلده‌کی دیپلوماتیک فعالیتی ایله باغلی کئچیردیگی مطبوعات کنفرانسیندا گوندم‌ده‌‌کی مسئله‌لری دیرلندیریب.
سوریه-نین ان مهم پروبلئم‌لریندن بیری‌نین ادلیب مسئله‌سی اولدوغونا دقت چکن لاوروو ادلیب-ده ترورچولارین مؤوجودلوغونون قبول ائدیله بیلمه‌یه‌جگینی نظرده توتان راضیلاشما‌لارین حیاتا کئچیریلمه‌سی‌نین واجیب‌لیگینی بیلدیریب.
لاوروو سوریه-نین قوزیی-دوغوسوندا "کوردلر" اولا‌راق خاراکتئریزه ائتدیگی پ.کا.کا/ی.پ.گ ترور تشکیلاتی ایله رسمی دمشق آراسیندا موناسیبت‌لرین یولونا قویولماسی‌نین واجیب‌لیگینه ده دقت چکه‌رک دئییب کی، تورکیه-نین بونونلا باغلی ناراحات‌لیغینی باشا دوشوروک.
امریکانین "سوریه-ده‌کی کوردلردن" اؤلکه‌نین دوغوسوندا یاری-دؤولت قورماق و اؤز تعلیمات‌لارینی یئرینه یئتیرمک اوچون ایستیفاده ائتمک ایستیی‌نین تورکیه طرفینده ده ناراحاتلیغا سبب اولدوغونو دیله گتیرن لاوروو بیر مدت اول خاریجی ایشلر ناظیری مولود چاووش اوغلونون اونا ی.پ.گ عنصورلارینین تورکیه سرحدیندن چیخاریلماسینی احاته ائدن، 2019-جو ایلده روسیا ایله تورکیه آراسیندا قبول ائدیلمیش سوچی راضیلاشماسینی خاظیرلاتدیغینی دئییب.
"منیم یاخشی دوستوم، جناب چاووش اوغلو دئدی کی، روسیا هله ده بو موقاویله‌نین (علاقه‌دار بندلری‌نین) هامی‌سینی یئرینه یئتیرمه‌ییب. دوزدور. بو، چتین مسئله‌دیر"، -دئیه لاوروو قئید ائدیب.
ایلگیلی‌لی خبرلر
نتانیاهو: حماس تسلیم اولسا ساواش بیتر
"حماس سلاح بوراخاراق تسلیم اولوب و ده اسیرلری تحویل وئرسه، ساواش یارین بیته‌بیلر"
