جیهون بایراموو و سئرگی لاوروو لاچین یولونداکی وضعیتی موذاکیره ائدیب‌لر
یانوارین 17-ده آذربایجان جمهوریتی‌نین خاریجی ایشلر ناظیری جیهون بایراموو و روسیا فدراسیونونون خاریجی ایشلر ناظیری سئرگی لاوروو آراسیندا تلفون دانیشیغی اولوب.
یانوارین 17-ده آذربایجان جمهوریتی‌نین خاریجی ایشلر ناظیری جیهون بایراموو و روسیا فدراسیونونون خاریجی ایشلر ناظیری سئرگی لاوروو آراسیندا تلفون دانیشیغی اولوب.
آذربایجان خاریجی ایشلر ناظیرلیگی‌نین معلوماتینا گؤره، تلفون دانیشیغی زامانی آذربایجان و روسیا آراسیندا مؤوجود ایکی طرف‌لی امکداش‌لیق گوندلیگینده دوران گونجل مسئله‌لر، او جمله‌دن لاچین یولو اطرافیندا جاری وضعیت موذاکیره اولونوب.
آذربایجان خاریجی ایشلر ناظیری جیهون بایراموو روسیا باریش گوجونون یئرلشدیگی آذربایجان اراضی‌لرینده غیری -قانونی اقتصادی فعالیت، او جمله‌دن طبیعی ثروت‌لرین بهره برداریسی و لاچین یولوندان سوء-ایستیفاده‌یه قارشی اعتراضلارین آذربایجان وطنداش‌لاری‌نین مشروع حقوقو اولدوغونو وورغولاییب. بو خصوصدا، اعتیراضچی‌لارین حاق‌لی طلب‌لری‌نین یئرینه یئتیریلمه‌سی‌نین ضروری اولدوغونو دقته چاتدیریب.
ناظیر جیهون بایراموو گویا آذربایجان طرفیندن لاچین یولونون باغلانماسی، آذربایجان اراضی‌لرینده یاشایان ائرمنی ساکین‌لرین محاصره‌یه آلینماسی، اینسانی بحران وضعیتی‌نین یارانماسی باره‌ده ادعا‌لارین اساس‌سیز اولدوغونو قئید ائدیب. بو خصوصدا، لاچین یولوندان هر گون اونلارلا نقلیات واسیطه‌سی‌نین، باریش گوجونون ماشین لارینین، اولوسلار آراسی قیزیل خاچ کومیته‌سی‌نین، ائرمنی تجی‌لی طبی یاردیم ماشین‌لاری‌نین کئچمه‌سی‌نین ائرمنیستان طرفی‌نین اساس‌سیز ادعا‌لارینی تکذیب ائتدیگی وورغولانیب.
بونونلا یاناشی، اؤزلرینی آذربایجان اراضی‌لرینده یاشایان ائرمنی ساکین‌لرین "نوماینده‌لری" کیمی تقدیم ائدن شخص‌لرین اهالینی یول‌دان ایستیفاده‌یه مانعه تؤرتدیگی و بونونلا صونعی شکیلده "محاصره"، "اینسانی بحران" تصوراتی یاراتماسی‌نین قبول ائدیلمز اولدوغو بیلدیریلیب.
تلفون دانیشیغی زامانی، همچنین قارشی‌لیق‌لی ماراق دوغوران دیگر مسئله‌لر اطرافیندا فیکیر موبادیله‌سی آپاریلیب.
ایلگیلی‌لی خبرلر
حوثی لر:"ایسراییل گمیسینی ووردوق"
یمن-ده‌کی حوثی لر عدن کؤرفزینده ایسراییل گمیسینی ووردوق‌لارینی بیلدیریب‌لر.
