دۆشن اوکراینا هلیکوپترینده اؤلو ساییسی آرتدی
دۆشن هلیکوپترده ایچ ایشلری باخانی موناستیرسکی و کؤمکچیسی یئوگنی یئنینین یاشامینی ایتیردیگی بیلدیریلدی
اوکراینانین باشکندی کیئو یاخینلیغیندا بیر هلیکوپترین دۆشمه‌سی نتیجه‌سینده ایچ ایشلری باخانی دنیس موناستیرسکی و کؤمکچیسی ده داخیل اولماقلا ۱۸ نفر یاشامینی ایتیردی.
کیئو بؤلگه‌سی والیسی اولکسی کولبا، حادثه‌ده حیاتینی ایتیره‌نلرین ساییسینین ۱۸ نفره، یارالیلارین ساییسینین ایسه ۱۵ی اوشاق اولماق اۆزره ۲۹ نفره یوکسلدیگینی آچیقلادی.
اوکراینا امنیت مودورو ایگور کلیمنکو ایسه، دۆشن هلیکوپترده موناستیرسکی و کؤمکچیسی یئوگنی یئنینین یاشامینی ایتیردیگینی قید ائتدی.
اوکراینا مطبوعاتین‌دا چیخان خبرلرده، هلیکوپترین بیر اوشاق باغچاسی یاخینلیغیندا دۆشدوگو و بؤلگه‌ده یانغین چیخدیغی بیلدیریلدی.
بو آرادا، اوکراینا ایچ ایشلری باخانلیغی موشاویری آنتون گراشنکو، سوسیال مئدیا حسابی فیسبوک‌دان،
"فاجعه‌نین سببلری مفتیشلر طرفیندن آراشدیریلیر. بونون تخریبات می، نقص می، اوچوش گوونلیگی قوراللارینین پوزولماسی می اولدوغونو یاخین زاماندا اؤیرنه‌جییک" ایفاده‌سینی ایشلتدی.
ایلگیلی‌لی خبرلر
حوثی لر:"ایسراییل گمیسینی ووردوق"
یمن-ده‌کی حوثی لر عدن کؤرفزینده ایسراییل گمیسینی ووردوق‌لارینی بیلدیریب‌لر.
