روس سالدیریسیندا ان آز ۲۵ نفر اؤلدو

اوکراینا دؤولت باشقانی ولودیمیر زلنسکی، روسیا اوردوسونون دنیپرو شهرینه گئرچکلشدیردیگی موشک سالدیریسی نتیجه‌سینده حیاتینی ایتیره‌ن مولکی وطنداشلارین ساییسینین ۲۵ نفره یوکسلدیگینی بیلدیردی.

ولودیمیر زلنسکی تلگرام حسابیندان یاییملادیغی پایلاشیمدا، روس موشکینین دنیپرودا ۹ قاتلی یاشاییش بیناسینی وورماسی نتیجه‌سینده حیاتینی ایتیره‌نلرین ساییسی و ییخینتیلار ساحه‌سینده آپاریلان آختارما-قورتارما ایشلری قونوسوندا بیلگی وئردی.

سالدیری نتیجه‌سینده حیاتینی ایتیره‌ن مولکی وطنداشلارین ساییسینین ۲۵ نفره یوکسلدیگینی بیلدیره‌ن زلنسکی اؤلنلر آراسیندا بیر اوشاغین اولدوغونو ایفاده ائتدی.

زلنسکی، اون اۆچو اوشاق اولماقلا ۷۳ نفرین یارالاندیغی سالدیریدان سونرا ۶ اوشاق ییخینتیلار آلتین‌دان قورتاریلدیغینی بیلدیردی.