دمیتری پسکوو: "اوکرایناداکی هدفلر دییشمهییب"
روسیا پرزیدنتینین مطبوعات کاتیبی دمیتری پسکوو پایتاخت موسکوادا ژورنالیستلرین گوندمدهکی مسئلهلرله باغلی بعضی سواللارینی جاوابلاندیریب.
روسیا پرزیدنتینین مطبوعات کاتیبی دمیتری پسکوو پایتاخت موسکوادا ژورنالیستلرین گوندمدهکی مسئلهلرله باغلی بعضی سواللارینی جاوابلاندیریب.
"روسیا باش قرارگاه رئیسی والری گراسیمووون اوکرایناداکی (روسیا) قوشونلارینین رهبری تعیین ائدیلمهسی ایله باغلی هدفلر دییشمهییب".
بونو روسیا پرزیدنتینین مطبوعات کاتیبی دمیتری پسکوو پایتاخت موسکوادا ژورنالیستلرین گوندمدهکی مسئلهلرله باغلی بعضی سواللارینی جاوابلاندیرارکن دئییب.
اوکراینا ایله روسیا آراسیندا دونتسک ویلایتینده گرگین توققوشمالارین داوام ائتدیگی سولدار شهرینده فوریهنین 24-دن بو یانا داوام ائدن محاربهده وضعیتی دیرلندیرن پسکوو دئییب کی، سولداردا بؤیوک ایش گؤرولوب. بو ایشلر داوام ائدهجک. حیاتینی ایتیرن قهرمانلاریمیزی خاطیرلایاجاغیق، لاکین قارشیدا هله چوخ ایش وار. دایانماغین واختی دئییل. اصل ایش هله کی باشلاماییب.
دیمیتری پسکوو ژانویهنین 12-دن اعتباراً گراسیمووون اوکراینادا "خصوصی حربی عملیات"ا جاوابده اولان بیرلشمیش حربی قوهلرین رهبری تعیین ائدیلمهسیندن ده دانیشیب:
"عالی باش قوموتان (روسیا پرزیدنتی ولادیمیر پوتین) یئنی هدفلری قئید ائتمهییب. اوولکی بوتون هدفلر گوندمده قالماغا داوام ائدیر".
روسیا سؤزچوسو دونتسک و لوگانسک-ین 2014-جو ایل سرحدلرینه گؤره "آزاد ائدیلمهسینین" ده سؤزو گئدن هدفلر آراسیندا اولوب-اولماماسی ایله باغلی سوالا بئله جاواب وئریب:
"طبیعی کی، اونلار دا روسیانین بولگه لری دیر، آزاد ائدیلمهلیدیر".
ایلگیلیلی خبرلر
تورکیه اوردوسو عراق و سوریه-ده 17 ترورچونو ضررسیزلشدیریلیب
عراق و سوریه-نین قوزئیینده بولوجو ترور تشکیلاتی پ.کا.کا-یا عاید 17 ترورچو ضررسیزلشدیریلیب.
آذربایجان و ائرمنیستان آراسیندا باریش دانیشیقلاری باشلاییب
قازاخیستانین آلماتی شهرینده آذربایجان و ائرمنیستان آراسیندا باریش دانیشیقلاری باشلاییب.