روسیا اوردوسو خارکووا هوجوم ائدیب

روسیا اوردوسونون خارکوو ویلایتی‌نین کوپیانسک بولگه سینین شوچنکوو قصبه سینه تشکیل ائتدیگی راکت هوجومو نتیجه‌سینده 1 نفر اؤلوب، 7 نفر یارالانیب.

اوکراینا پرزیدنتی اوفیسی رهبری‌نین معاوینی کیریلو تیموشنکو "تلگرام" حسابیندان روسیا قوه‌لرینین شوچنکوو بولگه سینه تشکیل ائتدیگی هوجومدا راکت‌لرین بازارا دوشدوگونو بیلدیریب.

هوجوم نتیجه‌سینده 60 یاشلی قادینین حیاتینی ایتیردیگینی، 7 سیویل وطنداشین ایسه یارالاندیغینی بیلدیرن تیموشنکو حادثه یئرینده آختاریش-قورتارما ایشلری‌نین داوام ائتدیگینی قئید ائدیب.

تیموشنکو هوجومون اس-300 راکت سیستمی ایله ائدیلدیگینی تخمین ائتدیک‌لرینی بیلدیریب.

خارکوو ویلایتی‌نین حربی رهبرلیگی‌نین رهبری اولگ سینگوبوو دا هوجومدا یارا‌لانان‌لار آراسیندا 13 یاشلی قیزین اولدوغونو آچیقلاییب.