ایران، فرانسانین تهرانداکی انستیتوسونو قاپاتدی
ایرانین، فرانسا ایله مدنی ایلیشکیلرینی گؤزدن گئچیردیگی و ایلک آددیم اولاراق فرانسانین ایرانداکی آراشدیرما انستیتوسونون فعالیتینه سون وئریلدیگی بیلدیریلدی
ایران، قرانسانین شارلی ابدو درگیسینده، اؤلکه لیدئری علی خامنهاییه قارشی "حقارت" ایچریکلی کاریکاتورلار یاییملانماسی ندنی ایله فرانسانین باشکند تهرانداکی انستیتوسونو قاپاتدی.
ایران خاریجی ایشلر نباخانلیغیندان وئریلهن آچیقلامادا، فرانسا درگیسینین "سیاسی و دینی مرجع و ایسلامین سیمبوللارینا حقارت احتیوا ائدن سالدیرقان حرکتینین" قیناندیغی و فرانسا حکومتینین ده بو حرکتلره گؤره بیرباشا مسئولیت داشیدیغی بیلدیریلدی.
بو چرچیوهده ایرانین، فرانسا ایله مدنی ایلیشکیلرینی گؤزدن گئچیردیگی و ایلک آددیم اولاراق فرانسانین ایرانداکی آراشدیرما انستیتوسونون فعالیتینه سون وئریلدیگی بیلدیریلدی.
شارلی ابدو آدلی درگینین گئچن ایللرده "سؤز آزادلیغی" آدی آلتیندا حضرت محمده و ایسلام دینینه قارشی کاریکاتورلار درج ائتمکله، اینسانلیق شرفینه، اخلاقی و دینی دگرلره سالدیردیغینین خاطیرلادیلدیغی آچیقلامادا، خامنهای ایله باغلی یاییملانان کاریکاتورلارین دا فرانسا یایین اورگانینین سؤزو گئدن حرکتلرینین داوامی خصوصیتینده اولدوغو ایفاده ائدیلدی.
فرانسا خاریجی ایشلر باخانلیغینا باغلی فعالیت ائدن و ۱۹۸۳.جو ایلده تهراندا قورولان ایران آراشدیرمالاری انستیتوسو، اسکی ایران تاریخی ایله باغلی آراشدیرمالار آپاران، تاریخ و آرکئولوژی انستیتوسو اولاراق فعالیت گؤستریردی.
شارلی ابدو، ایرانداکی اعتراضلارا دستک اوچون گئچن آی باشلاتدیغی مبیر یاریشمانین پارچاسی اولاراق خامنهای قونوسو ایله کاریکاتورلار درج ائتمیشدی.
ایرانین خاریجی ایشلر باخانی حسین امیرعبداللهیان، توییتر حسابیندان پایلاشدیغی مئساژدا، فرانسا یؤنهتیمینی سوچلایاراق، کاریکاتورلارین دیاییملانماسینا "قطعی و تأثیرلی بیر جاواب" وئرهجکلرینی بیلدیرمیشدی. فرانسانین تهرانداکی ائلچیسی نیکولاس رشو خاریجی ایشلر باخانلیغینا چاغیران ایران، فرانسا حکومتینه اعتراض یازیسی وئرمیشدی.