ایران‌دا ۱۸ یاشلی بیر گنج ایکی دفعه اؤلوم جزاسینا محکوم ائدیلدی
محکمه هیئتی، مهدی محمدی‌فرد آدلی گنج حاقیندا "افساد فی الارض" و "محاربه" اتهامی ایله ایکی دفعه اعدام جزاسی وئردی
ایران‌داکی اعتراضلار سیراسیندا ساخلانیلان ۱۸ یاشلی بیر گنج، ایکی دفعه اؤلوم جزاسینا محکوم ائدیلدی.
ایران اینسان حاقلاری فعاللاری آژانسی (هرانا)، مازندران ایالتینین نوشهر شهرین‌ده گؤستریلرده گؤز آلتینا آلینان ۱۸ یاشلی مهدی محمدی‌فردین محکمه‌سی ایله باغلی معلومات یاییملادی.
هرانانین وئردیگی بیلگیلره گؤره، محکمه هیئتی محمدی‌فرد حاقیندا "افساد فی الارض" و "محاربه" اتهامی ایله ایکی دفعه اعدام جزاسی وئردی.
محمدی‌فرد آیریجا "اؤلکه‌نین گوونلیگینه قارشی جینایت تؤرتمک مقصدی ایله توپلانماق"دان ۴ ایلی، " اؤلکه‌نین گوونلیگینی پوزما قصدی ایله خالقی ساواش و اؤلدورمه‌یه تحریک"دن ۲ ایل، "اؤلکه رهبرینه تحقارت"دن ۱ ایل، "رژیم علیه‌ینه تبلیغات آپارماق"دان دا ۶ آی اولماق اۆزره توپلام ۷ ایل ۶ آی حبس جزاسینا محکوم ائدیلدی.
نوشهرده ۳۰ سپتامبردا ساخلانیلان محمدی‌فرده قارشی ایر‌لی سوروله‌ن اتهاملار آراسیندا "۵ امنیت گوجونون حیاتینی ایتیردیگی ۲۱ سپتامبردا نوشهرده تشکیل ائدیلن گؤستریلرین باشینی چکنلردن بیری اولما" دا وار.
ایران قانونلارینا گؤره بیر شخص؛ خالقین جان، مال و ناموسونا قصد ائدرک قورخو سالماق اوچون ایستی و یا سویوق سلاحدان ایستیفاده ائتمه‌سی دوروموندا "محارب" اولاراق سوچلانیر.
تهران‌دا، بیر قادینین اخلاق پلیسی طرفیندن باش اؤزتوسو قانونونا اویمادیغی اوچون گؤزآلتینا آلیندیقدان سونرا اؤلمه‌سی ایله اؤلکه‌ده اعتراضلار باشلامیشدی.
نروژ مرکزلی ایران اینسان حاقلاری تشکیلاتی ایسه کوچه گؤستریلرینه گوونلیک قوه‌لرینین موداخیله‌سی نتیجهسینده ۴۷۶ اعتراضچینین اؤلدوگونو آچیقلامیشدی.
ایران مطبوعاتین‌دا عکس اولونان خبرلره گؤره، اؤلکه‌ده‌کی گؤستریلر زامانی ۶۰دان چوخ گوونلیک گؤره‌ولی‌سی حیاتینی ایتیردی، مینلرجه گؤستریچی ساخلانیلدی.
ایلگیلی‌لی خبرلر
حوثی لر:"ایسراییل گمیسینی ووردوق"
یمن-ده‌کی حوثی لر عدن کؤرفزینده ایسراییل گمیسینی ووردوق‌لارینی بیلدیریب‌لر.
