پوتین: "پاتریوت" سیستم‌لری‌نین تداروکو محاربه‌نین اوزانماسینا گتیریب چیخارا‌جاق"
روسیا پرزیدنتی ولادیمیر پوتین امریکانین اوکراینایا بوش یئره "پاتریوت" هاوا هوجومون‌دان ساوونما سیستم‌لری گؤندرجگینی بیان ائدیب.
روسیا پرزیدنتی ولادیمیر پوتین امریکانین اوکراینایا بوش یئره "پاتریوت" هاوا هوجومون‌دان ساوونما سیستم‌لری گؤندرجگینی بیان ائدیب.
ژورنالیست‌لرین سوالینا "کیئوه "پاتریوت" سیستم‌لری‌نین تداروکو اوکراینادا محاربه‌نین اوزانماسینا گتیریب چیخارا‌جاق" دئیه بیلدیرن پوتین باتی اؤلکه‌لری‌نین روسیا نفتی و طبیعی گازی اوچون تاوان قیمت تطبیق‌لرینه رئاکسیا وئره‌رک دئییب:
"اونلارین ائتمه‌یه چالیشدیق‌لاری شئی موستملکچی‌لیگه قاییتماق‌دیر. اوغورلوغا اؤیرشیب‌لر. آوروپانین اکثر ایقتیصادیات‌لاری قول تیجارتی، افریقا، آسیا و لاتین امریکاسی‌نین تالان ائدیلمه‌سی ایله گوجلندی".
تاوان قیمت تطبیقی‌نین روسیا ایقتیصادیاتینا تأثیر ائتمه‌یه‌جگینی وورغولایان پوتین "بو، ساده‌جه اولا‌راق، قیمت‌لری ایداری یوللا تنظیم‌لمک جهدی‌دیر. بو، نفت ساحه‌سینده اولدوغو کیمی، گاز ساحه‌سینده ده یاخشی شئی‌لره گتیریب چیخارمایا‌جاق" دئییب.
روسیانین اوکراینا اوزریندن طبیعی گاز نقلی اوچون اوکراینایا پول اؤدمه‌یه داوام ائتدیگینی قئید ائدن پوتین اونو دا دئییب کی، بیزی تجاووزکار آدلاندیریرلار، لاکین گاز ترانزیتی اوچون بیزدن پول طلب ائتمه‌یه داوام ائدیرلر.
امریکانین اوکراینایا گؤندرجگی "پاتریوت" سیستم‌لریندن دانیشان پوتین دئییب:
"پاتریوت"آ گلینجه، بو، یئترینجه کؤهنه سیستم‌دیر، مسئلن، بیزیم "اس-300" کیمی ایشلمیر. آنجاق بونا باخمایا‌راق، بیزه قارشی چیخان‌لار بونون ساوونما سلاحی اولماسینا اساس‌لانیرلار - یاخشی، اولسون. بونو ساده‌جه نظرده ساخلایاجاغیق".
روسیا و اوکراینا آراسیندا آپاریلان دانیشیق‌لارا توخونان پوتین دانیشیق‌لارین طرفداری اولدوق‌لارینی وورغولاییب:
"بوتون سلاحلی موناقیشه‌لر بو و یا دیگر شکیلده دیپلماسی یولو ایله دانیشیق‌لارلا یئکونلاشیر. بیز دانیشیق‌لاردان ال چکمدیک. اوکراینا رهبرلیگی اؤزونه دانیشیق‌لار آپارماغی قاداغان ائدیب".
ایلگیلی‌لی خبرلر
تورکیه اوردوسو عراق و سوریه-ده 17 ترورچونو ضررسیزلشدیریلیب
عراق و سوریه-نین قوزئیینده بولوجو ترور تشکیلاتی پ.کا.کا-یا عاید 17 ترورچو ضررسیزلشدیریلیب.
آذربایجان و ائرمنیستان آراسیندا باریش دانیشیق‌لاری باشلاییب
قازاخیستانین آلماتی شهرینده آذربایجان و ائرمنیستان آراسیندا باریش دانیشیق‌لاری باشلاییب.
