ایران-دا اعتراضلار یئنیدن باشلادی
ایران-دا مهسا امینینین اؤلومومدن سونرا باشلایان نوماییشلر بعضی شهرلرده داوام ائدیر.
ایران-دا مهسا امینینین اؤلومومدن سونرا باشلایان نوماییشلر بعضی شهرلرده داوام ائدیر.
گیلان ایالتینین مرکزی رشت شهرینده کوچهلره آخیشان نوماییشچیلر رژیم علیهینه شعارلار سسلندیرهرک یوللاری نقلیاتین حرکتی اوچون باغلاییب.
البرز ویلایتینین کرج شهرینده آکسیا کئچیرن نوماییشچیلر ده حکومت علیهینه شعارلار سسلندیرهرک یوروش ائدیبلر.
پایتاخت تهرانین جمالزاده کوچهسی و تهرانپارس سمتینده کئچیریلن آکسیالاردا دا حکومت علیهینه شعارلار سسلندیریلیب و سیاسی محبوسلارین آزادلیغا بوراخیلماسی طلب ائدیلیب.
تهرانین ولیعصر میدانی اطرافیندا تهلوکهسیزلیک قوهلرینین حیاتا کئچیردیگی گئنیش تهلوکهسیزلیک تدبیرلری دقت چکیب.
سپتامبرین 13-ده پایتاخت تهراندا ارشاد گشتی طرفیندن ساخلانیلدیقدان سونرا کومایا دوشن 22 یاشلی مهسا امینی سپتامبرین 16-دا دونیاسینی دییشیب. اونون اؤلومو اعتراضلارا سبب اولوب.
مرکزی نروژ-ده یئرلشن ایران اینسان حاقلاری تشکیلاتی مهسا امینینین اؤلوموندن سونرا باشلایان نوماییشلره تهلوکهسیزلیک قوهلرینین موداخیلهسی نتیجهسینده حیاتینی ایتیرنلرین سایینین 469 نفره یوکسلدیگینی آچیقلاییب.
اعدام جزاسینا محکوم ائدیلن محسن شکاری حبس اولوندوقدان 75 گون سونرا دسامبرین 8-ده، مجید رضا رهنوردین ایسه ساخلانیلدیقدان 23 گون سونرا دسامبرین 12-ده اعدام ائدیلیب.