عراق کرکوک-ده داعش عضولرینه قارشی عملیاتا باشلاییب
عراق تهلوکهسیزلیک قوهلری کرکوک شهرینین گونئی ینده اولدوغو آشکارلانان ترور تشکیلاتی داعش عضولرینه قارشی عملیاتا باشلاییب.
عراق تهلوکهسیزلیک قوهلری کرکوک شهرینین گونئی ینده اولدوغو آشکارلانان ترور تشکیلاتی داعش عضولرینه قارشی عملیاتا باشلاییب.
کرکوک پولیس ایدارهسینین مطبوعات کاتیبی امیر نوری وئردیگی آچیقلامادا عملیاتین حویجه بولگهسینین کوچوک یورقون، بویوک یورقون، حمیدیه و ملیحه کندلری، همچنین حسا، الجنابی و الیورگون وادیلری یاخینلیغیندا آپاریلدیغینی، عراق هاوا قوهلرینین دستکلدیگی عملیاتدا حشدالعشبینین ده یئر آلدیغینی قئید ائدیب.
ترور تشکیلاتی داعش 2014-جو ایلین یون آییندا عراق-ین موصل، صلاحالدین و الانبار ویلایتلرینین تامامی ایله دیاله و کرکوک ویلایتلرینین بیر حیسهسینی اله کئچیریب و بو بؤلگهلر ایللر عرضینده تشکیلاتدان گئری آلینیب.
عراق-ین کئچمیش باش ناظیری حیدر العبادی 2017-جی ایل دسامبرین 9-دا تشکیلات اوزرینده غلبه قازاندیغینی اعلان ائدیب.
داعش-ین بؤلگهدن قووولماسیندان و شهرلرین گئری آلینماسیندان 5 ایل کئچمهسینه باخمایاراق، قروپلاشمانین هوجوملاری خصوصیله کرکوک، دیاله، موصل، صلاح الدین و الانبار ویلایتلرینین کند یئرلرینده داوام ائدیر.