ایران‌دا بعضی اعتراضچیلارین اعدام جزاسی اونایلاندی

ایران‌دا بیر گنج قادینین پلیس نظارتینه آلیندیقدان سونرا حیاتینی ایتیرمه‌سی ایله باشلایان اعتراضلارا گؤره اعدام جزاسینا محکوم ائدیله‌ن ۶ نفردن بعضیلرینین جزالارینین یوکسک محکمه طرفیندن تصدیقلندیگی و یاخیندا اجرا ائدیله‌جگی بیلدیریلدی.

ایرانین شرق قزئتینین خبرینه گؤره، یارغی ارکی باشقانی غلامحسین محسنی اژه‌ای، اعتراضلارلا باغلی توتوقلانان بعضی اعتراضچیلارین محکمه پروسه‌سینین قیسا مدت‌ده سونوجلاناجاغینی بیلدیردی.

اژه‌ای، بو چرچیوه‌ده گؤستریلر زامانی "ترور، جنایت، اجتماعی آسایشی پوزماق" کیمی اتهاملارلا محاکیمه اولونانلارین اعدام و یا اوزون مدتلی حبس جزاسینا محکوم ائدیلدیگینی خاطیرلاتدی.

اژه‌ای،

"فساد تؤره‌دن و دؤولته قارشی ساواشا گیریشن، اودلو و سویوق سلاحلا جنایت ایشله‌ین و گوونسیزلیک یارادانلارین دا بعضیلرینین جزالاری اونایلاندی و یاخیندا اجرا ائدیله‌جک" ایفاده‌لرینی ایشلتدی.

تهران‌دا ۱۶ سپتامبردا "اخلاق پلیسی" طرفیندن توتولدوقدان سونرا وضغیتی پیسله‌شرک خسته‌خانایا یئرلشدیریله‌ن ۲۲ یاش‌لی مهسا امینی‌نین ۱۳ سپتامبردا یاشامینی ایتیرمه‌سی اؤلکه یؤنه‌تیمینه قارشی اعتراضلارا سبب اولموشدو.

ایرانین گوونلیک شوراسی ۳- دسامیردا اؤلنلرین عمومی ساییسینین ۲۰۰ نفری گئچدیگینی آچیقلامیشدی.

دیگر طرف‌دن، نروژ مرکزلی ایران اینسان حاقلاری تشکیلاتی ۲۹ نوامیردا یاییملادیغی درج راپوردا مهسا امینی‌نین اؤلومون‌دن سونرا باشلایان کوچه گؤستریلرینه گوونلیک قوه‌لرینین موداخیله‌سی نتیجه‌سین‌ده ۴۴۸ اعتراضچینین اؤلدوگونو بیلدیرمیشدی.

گؤستریلر زامانی مینلرجه اینسان گؤزآلتینا آلینیرکن، یارغی ارکی سؤزچوسو ۸ نوامبردا وئردیگی آچیقلامادا، گؤستریلر زامانی باش وئره‌ن حادثه‌لرله باغلی ۱۰۲۴ نفره قارشی ادعانامه حاضیرلاندیغینی آچیقلامیشدی.

ایران‌دا ۳ آیا یاخیندیر داوام ائد‌ن گؤستریلرله باغلی ایندیه دک ۶ نفره اعدام حؤکمو چیخاریلمیشدی. اعدام حؤکملرینی یوکسک محکمه طرفیندن اونایلانماسی لازیم ایدی.