پاشینیان، کولکتیو گوونلیک آنلاشماسی بیلدیریسینی ایمضالامادی
ارمنیستانین باخانی نیکول پاشینیان، آذربایجانا قارشی قرار قویدورابیلمه‌دیگی کولکتیو گوونلیک آنلاشماسی هؤرگوتو بیلدیریسینی ایمضالامادی
روسیا دؤولت باشقانی ولادیمیر پوتین، آذربایجان و ارمنیستان آراسین‌دا الده اولونان آنلاشمالارین توتارلی شکیلده حیاتا گئچیریلمه‌سی حالیندا، ایکی اؤلکه آراسین‌دا باریش آنلاشماسی ایمضالانابیله‌جگینی سؤیله‌دی
پوتین، ارمنیستانین باشکندی ایروان‌دا کولکتیو گوونلیک آنلاشماسی هؤرگوتونون، کولکتیو گوونلیک شوراسینین توپلانتیسیندا دانیشدی.
سوچی‌ده اؤتن آیین سونون‌دا گئچیریله‌ن روسیا، آذربایجان و ارمنیستان لیدئرلر ذیروه‌سینی مثبت دگرلندیره‌ن پوتین، دانیشیقلارین گله‌جک‌ده تمل مسئله‌لرده آنلاشما تامین ائتمه‌سی اوچون یاخشی بیر آلت یاپی اولوشدوردوغونو سؤیله‌دی.
لیدئرلرین ۲۰۲۰ و ۲۰۲۱.جی ایللرده قبول ائتدیکلری بیلدیری‌لره باغلیلیغینی یئنه‌له‌دیگینی بیلدیرن پوتین، سرحدلرین معینلشدیریلمه‌سی، نقلیات باغلانتیلارینین آچیلماسی، اینسانی سورونلارین حلی ایله باغلی آنلاشمالارین توتارلی شکیلده ایجراسینین اؤلکه‌لر آراسین‌داکی ایلیشکیلرین نورماللاشماسینا کؤمک ائدجگینی وورغولادی.
پوتین،
"بوتون بونلارین باکی ایله ایروان آراسین‌دا باریش آنلاشماسی ایمضالانماسینا ایمکان وئره‌جگینی اومود ائدیرم" ایفاده‌سینی ایشلتدی.
اؤته یاندان، ارمنیستانین باخانی نیکول پاشینیان، آذربایجانا قارشی قرار قویدورابیلمه‌دیگی کولکتیو گوونلیک آنلاشماسی هؤرگوتو بیلدیریسینی ایمضالامادی.
پاشینیان، توپلانتیداکی دانیشماسیندا آذربایجان اوردوسونون می ۲۰۲۱دن اؤنجه‌کی قونومونا قاییتماسی لازیم اولدوغونو ادعا ائدرک،
"ارمنیستان کولکتیو گوونلیک آنلاشماسی هؤرگوتو کولکتیو گوونلیک شوراسینانین بو گئری چکیلمه‌نی تامین ائده‌جک ضروری سیاسی و دیپلوماتیک چالیشمالاری آذربایجانلا سورعتلندیرمه‌سینی تکلیف ائدیر" دئدی.
بو آرادا، کرملین سؤزچوسو دمیتری پئسکوو، پاشینیانین کولکتیو گوونلیک آنلاشماسی هؤرگوتو بیاننامه‌سینی ایمضالاماغی رد ائتمه‌سی ایله باغلی ارمنیستان کولکتیو گوونلیک آنلاشماسی هؤرگوتونون بیر عضوو اولاراق قالاغا داوام ائده‌جگینی بیلدیردی.
وضعیتین "مورکب" اولدوغونو ایضاح ائد‌ن پئسکوو:
"هر مسئله‌ده آنلاشما اولمادی و بو حادثه ده بیر داها بو فورمتین اؤنمینی اورتایا قویموشدور" دئدی.
دیگر طرف‌دن، روسیا پرزیدنتی پوتین و پاشینیان ذیروه‌دن سونرا گؤروشدولر.
پاشینیان مطبوعات کونفرانسین‌داکی چیخیشیندا گوونلیک ساحه‌سینده‌کی وضعیته توخوناراق،
"پروبلئملر چوخدور. من کولکتیو گوونلیک آنلاشماسی هؤرگوتو توپلانتیسیندا دا بو باره‌ده دانیشدیم. بونلار، دستگینیز و حمایه‌نیزله آذربایجان پرزیدنتی (ایلهام علییئو) ایله ایمضالادیغیمیز اوچلو آنلاشمانین ایجراسی ایله باغلی پروبلئملردیر. بونلار چوخ اؤنملی مسئله‌لردیر. بؤلگه‌ده اوزون مدت‌لی باریشی تعمین ائد‌جک مسئله‌لری موذاکیره ائتمه‌لی‌ییک" دئدی.
ایلگیلی‌لی خبرلر
غزه ده اؤلنلرین سایی 44 مین 875 نفر اولدو
ایسراییل اوردوسونون غزه‌یه هوجوم‌لاریندا اؤلنلرین سایی آرتماقدا داوام ائدیر.
ایسرائیل اوردوسو لبنانین خیام بؤلگه‌سین‌دن گئری چکیلیب
ایسرائیل اوردوسو لبنانین جنوبون‌داکی خیام بؤلگه‌سین‌دن گئری چکیلدیگینی آچیقلاییب.
