اسرائیل اوکراینایا سلاح وئرمه‌یه‌جک

اسرائیلین ساوونما باخانی بنی گانتس، عملیاتی محدودیتلری سببی ایله اوکراینایا قورتاراجاق ائرکن اویاری سیستمی تامین ‌یله‌جکلرینی بیلدیردی.

اسرائیل ساوونما باخانلیغیندان وئریله‌ن یازیلی آچیقلامایا گؤره، گانتس، اوکراینالی قونومداشی اولکسی رزنیکوو ایله "مثبت" بیر تلفن دانیشیغی ائتدی.

تلفن دانیشماسیندا رزنیکوو، گانتسا اوکرایناداکی ساواش ایله باغلی گلیشمه‌لر حاقیندا بیلگی وئردی.

گانتسایسه ساواشدا اینسان ایتکیسی و اینسانی بحراندان کدرلندیگینی بیلدیررک، اسرائیلین اوکراینا خالقینین و باتینین یانیندا یئر آلدیغینی وورغولادی و اؤلکه‌سینین بو اؤلکه‌یه اینسانی یاردیم و حیات قورتاران ساوونما تجهیزاتی تامین ائتمه قونوسوندا باغلیلیغینی یئنه‌له‌دی.

اسرائیل ساوونما باخانی، اؤلکه‌سینین عملیاتی محدودیتلره وورغو ائتدی و بو سببله اسرائیلین اوکراینایا سلاح وئرمه‌یه‌جگینی سؤیله‌دی.

آچیقلامادا آیریجا، ایکی باخانین، اسرائیلین اوکراینایا مولکی اینسانلارین حیاتینی قورتاراجاق ائرکن اویاری سیستمی تامین ائتمه‌سی اوچون یاخین گله‌جک‌ده ارتباطی داوام ائتدیرمه قونوسوندا آنلاشدیغی بیلدیریلدی.