اوین حبسخاناسیندا اؤلنلرین ساییسی ۸ نفره چیخدی
"اوینده باش وئرهن حادثهلرده یارالانان ۱۰ توتوقلودان دؤردو داها حیاتینی ایتیردی"
ایرانین باشکندی تهرانداکی اوین حبسخاناسیندا سیراغا گۆن باش وئرهن حادثهلرده یارالانان ۴ محکومون داها یاشامینی ایتیرمهسی ایله اؤلنلرین ساییسی ۸ نفره چاتدی.
ایران یارغی ارکی بیلگیلندیرمه دفتریندن سیاسی توتوقلولاری ایله سئچیلهن اوین حبسخاناسیندا ۱۵ اکتبر گۆنو باش وئرهن حادثهلرله باغلی یازیلی آچیقلاما یاییملاندی.
آچیقلامادا، "عادی سوچلولارین اولدوغو بؤلومده باش وئرهن حادثهلرده یارالانان ۱۰ توتوقلودان دؤردو داها حیاتینی ایتیردی. یارالی ۶ توتوقلونون معالیجهسی داوام ائدیر. حبسخانا حادثهلرینده اؤلنلرین ساییسی ۸ نفره یۆکسلدی" ایفادهلرینه یئر وئریلدی.
ایران یارغی ارکی بیلگیلندیرمه دفتری دۆنن یاییملادیغی آچیقلامادا، عادی سوچلولارین اولدوغو بؤلومده محکوملار آراسیندا باش وئرهن ووروشما سیراسیندا حبسخانانین تیکیش تیکمه بؤلومونده باش وئرهن یانغین نتیجهسینده ۴ محکومون توستودن زهرلهنرک اولدوگونو، دؤردو آغیر ۱۰ محکومون یارالاندیغینی بیلدیرمیشدی.
سوسیال مئدیادا پایلاشیلان گؤرونتولرده اوین حبسخاناسیندا یانغین چیخدیغی گؤرولورکن، سلاح و پاتلاما سسلری ده ائشیدیلمیشدی.
ایلگیلیلی خبرلر
تورکیه اوردوسو عراق و سوریه-ده 17 ترورچونو ضررسیزلشدیریلیب
عراق و سوریه-نین قوزئیینده بولوجو ترور تشکیلاتی پ.کا.کا-یا عاید 17 ترورچو ضررسیزلشدیریلیب.
آذربایجان و ائرمنیستان آراسیندا باریش دانیشیقلاری باشلاییب
قازاخیستانین آلماتی شهرینده آذربایجان و ائرمنیستان آراسیندا باریش دانیشیقلاری باشلاییب.