ایرانداکی اعتراضلاردا ایکی نفر اؤلدورولدو
"آراشدیرمالار بونون آچیق شکیلده عصیانچیلار طرفیندن ائدیلدیگینی گؤستریر، چونکو اونلار گوونلیک گوجلری و اوردونون الینده اولمایان سلاحلارلا اؤلدورولدولر"
ایراندا بیر چوخ شهرده داوام ائدن گؤستریلرده، کرمانشاه ایالتینده ۲ نفر اؤلدو، ۲۵ نفر یارالاندی.
ایران دؤولت تلویزیونونون خبرینه گؤره، کرمانشاهین باش ساوچیسی شهرام کرمی دونن آخشام ساعاتلاریندا ایالتده تشکیل ائدیلن گؤستریلر سیراسیندا درولت ماللارینا ضرر وئریلدیگی بیلدیریلدی.
کرمانشاهداکی گؤستریلرده دونن ایکی نفرین اؤلدورولدوگونو آچیقلایان کرمی،
"آراشدیرمالار بونون آچیق شکیلده عصیانچیلار طرفیندن ائدیلدیگینی گؤستریر، چونکو اونلار گوونلیک گوجلری و اوردونون الینده اولمایان سلاحلارلا اؤلدورولدولر" دئدی.
کرمی گؤستریلرده بیری پلیس اولماقلا ۲۵ نفرین ده یارالاندیغینی آچیقلادی.
تهراندا گئجه ساعاتلارینا قدر داوام ائدن گؤستربلر گون اورتا ساعاتلاریندا یئنیدن باشلادی.
تهران والیسی محسن منصوری توییتر حسابیندان، "تهراندا باش وئرهن حادثهلرده بعضی ائلچیلیکلرین و خاریجی استخبارات سرویسلرینین ایزلری آچیق شکیلده گؤرونور. تهراندا اوچ خاریجی اؤلکه وطنداشی گؤزآلتینا آلیندی" آچیقلاماسی یاییملادی.
ایرانلی مسئوللارین آچیقلامالارینا گؤره، اعتراضلارین باشیندان بری اؤلکهده آلتی نفر حیاتینی ایتیردی.
ایلگیلیلی خبرلر
حوثی لر:"ایسراییل گمیسینی ووردوق"
یمن-دهکی حوثی لر عدن کؤرفزینده ایسراییل گمیسینی ووردوقلارینی بیلدیریبلر.