ایران جمهوباشقانیندان شانگهای امکداشلیق تشکیلاتی آچیقلاماسی
رئیسی: اؤزبکیستان سفریمیزدهکی اؤنملی مسئله، ایرانین شانگهای امکداشلیق تشکیلاتینا عضولوگونو کسینلشدیرهجک سندلرین ایمضالانماسیدیر
ایران جمهوباشقانی ابراهیم رئیسی، اؤلکهسینین شانگهای امکداشلیق تشکیلاتینا عضولوگونون قطعیلشدیریلهجگینی سؤیلهدی.
ایرانلی اؤیرنجیلر خبر آژانسی ایسنایا گؤره، رئیسی، شانگهای امکداشلیق تشکیلاتی توپلانتیسینا قاتیلماق اوچون اؤزبکیستانا یولا دوشمهدن اؤنجه مهرآباد هاوا لیمانیندا آچیقلاما وئردی.
رئیسی،
"اؤزبکیستان سفریمیزدهکی اؤنملی مسئله، ایرانین شانگهای امکداشلیق تشکیلاتینا عضولوگونو کسینلشدیرهجک سندلرین ایمضالانماسیدیر" دئدی.
هؤرگوتون بیر اؤنجهکی توپلانتیسیندا ایرانین عضولوگونون تصدیقلندیگینی خاطیرلادان رئیسی، ایمضالاناجاق سندلرین خارجی ایشلر باخانلیغی مسئوللاری طرفیندن آراشدیریلاراق حقوقی پروسهنین تاماملاناجاغینی بیلدیردی.
اؤزبکیستانا سفرین دیگر هدفلری بارهده دانیشان رئیسی:
"بو سفر، اؤزبکیستان جمهورباشقانینین رسمی دعوتی ایله هم ایکیلی گؤروشمه، هم ده شانگهای امکداشلیق تشکیلاتی ذیروهسینه قاتیلماق حیاتا گئچیریلیر. بو سفرین قونشولوق، یاخینلیق و امکداشلیغی آرتیرما کیمی مختلیف آماجلاری وار. ایکی اؤلکهنین تیجارت حجمی ۵۰۰ میلیون دلار سویهسینده، بو یئترلی دئییل، آرتیرابیلریک" ایفادهلرینی ایشلتدی.
شانگهای امکداشلیق تشکیلاتی توپلانتیسی ۱۵-۱۶ سپتامبردا سمرقندده گئچیریلهجک.