ایران‌دان آذربایجان - ارمنیستان چاتیشمالارینا دایر آچیقلاما

ایران خاریجی ایشلر باخانلیغی سؤزچوسو ناصر کنعانی، آذربایجان و ارمنیستان آراسین‌داکی چاتیشمالاردان قایغیلی اولدوقلارینی و اؤلکه‌سینین سرحدلرده هر هانسی بیر دییشیکلیگی قبول ائتمه‌دیگینی بیلدیردی.

کنعانی، ایران خاریجی ایشلر باخانلیغی سایتیندا یئر آلان آچیقلاماسیندا، آذربایجان-ارمنیستان سرحدینده‌کی چاتیشمالارلا باغلی دگرلندیرمه‌لره یئر وئردی.

ایکی اؤلکه آراسینداکی گرگینلیک و سرحد چاتیشمالارینین آرتماسی ایله باغلی قایغیسینی دیله گتیرن کنعانی، آذربایجان-ارمنیستان سرحدلرینده هر هانسی بیر دییشیکلیگین ایران اوچون قبول ائدیلمز اولدوغونو ایفاده ائتدی.

تهران یؤنه‌تیمینین مسئله ایله باغلی گلیشمه‌لری یاخیندان ایزله‌دیگینی قید ائد‌ن کنعانی، ایکی اؤلکه‌نین تورپاق بوتؤولوگونه حؤرمت ائدیلمه‌سی و پروبلئملرین اولوسلارآراسی حقوقا اویغون اولاراق باریش یولو ایله حل ائدیلمه‌سینین ضرورتینه توخوندو.

سؤزچو ناصر کنعانی، اؤلکه‌سینین ایکی قونشو آراسینداکی آنلاشمازلیقلاری حل ائتمک اوچون هر جۆر ایمکانی تامین  ائتمه‌یه حاضر اولدوغونو قید ائتدی.