افغانیستان-دا داشقین‌لار نتیجه‌سینده 20 نفر اؤلوب
افغانیستان-ین پایتاختی کابیل یاخینلیغینداکی لوگر ویلایتینده باش وئرن داشقین نتیجه‌سینده 20 نفر حیاتینی ایتیریب.
افغانیستان-ین پایتاختی کابیل یاخینلیغینداکی لوگر ویلایتینده باش وئرن داشقین نتیجه‌سینده 20 نفر حیاتینی ایتیریب.
لوگر والیسی مولوی عنایت الله شجاع مطبوعاتا آچیقلاماسیندا اؤتن گون سحر ساعات لاریندا باشلایان لئیسان یاغیشین داشقینا سبب اولدوغونو بیلدیریب.
لوگر بولگه‌سینده باش وئرن سئلده 20 نفرین حیاتینی ایتیردیگینی بیلدیرن شجاع 32 نفرین یارالاندیغینی، سئل سویوندا قالان 4 نفردن ایسه هله ده خبر اولمادیغینی بیلدیریب.
شجاع قئید ائدیب کی، سئل نتیجه‌سینده 3 میندن چوخ ائو ضرر چکیب.
طبیعی فلاکت‌لرله موباریزه لوگر ویلایتی‌نین صدری مولوی عبدالله مفکر سئل فلاکتی‌نین تأثیرلی اولدوغو بیر چوخ کندده اینسان‌لارین قاپا‌لی وضعیتده قالدیغینی و خلاص اولونماغی گؤزله‌دیگینی بیلدیریب.
طالبان موقتی حکومتی‌نین طبیعی فلاکت‌لرین ایداره ائدیلمه‌سی اوزره دؤولت ناظیرلیگی‌نین سؤزچوسو محمد نسیم حقانی بیلدیریب کی، سون بیر آیدا اؤلکه داخیلینده باش وئرن داشقین‌لاردا 165 نفر اؤلوب. حقانی قئید ائدیب کی، بو دؤورده مین‌لرله هکتار اراضی ده سئلدن ضرر چکیب.
