روسیا پلانلاشدیریلان تاخیل صادراتینین حجمینی آزالدا بیلر
روسیانین تاریم ناظیری دیمیتری پاتروشو بو ایل اوچون پلانلاشدیریلان 130 میلیون تون تاخیل ییغیمینا چاتا بیلمهیهجکلرینی بیلدیرهرک، بو سببدن تاخیل صادراتینی آزالتماق مجبوریتینده قالابیلهجکلرینی دئییب.
روسیانین تاریم ناظیری دیمیتری پاتروشو بو ایل اوچون پلانلاشدیریلان 130 میلیون تون تاخیل ییغیمینا چاتا بیلمهیهجکلرینی بیلدیرهرک، بو سببدن تاخیل صادراتینی آزالتماق مجبوریتینده قالابیلهجکلرینی دئییب.
روسیا تاریم ناظیرلیگینین یازیلی آچیقلاماسیندا فیکیرلرینی بیلدیرن پاتروشو تاریم سئکتوروندا ایستیفاده ائدیلن بعضی آراج لارین وارداتیندا پروبلئملر یاشاندیغینی بیلدیریب.
بو پروبلئملرین تاخیل ییغیمینا تأثیر ائتدیگینی وورغولایان پاتروشو دئییب:
"بوتون بونلار 130 میلیون تون تاخیل ییغیمی هدفینی پوزماق ریسکی داشیییر".
پاتروشو بیان ائدیب کی، تاخیل ییغیمی نظرده توتولان حجمدن آشاغی قالسا، ایچ بازاردا تداروک پروبلئمی اولمایاجاق:
"لاکین بیز 50 میلیون تون تاخیل صادراتی پلانیمیزا یئنیدن باخمالیییق. بو، قلوبال تاخیل بازارینا منفی تأثیر گؤستره بیلر".
قئید ائدک کی، روسیا تخمینن 20 فایز پایلا دونیانین ان بؤیوک تاخیل صادراتچیسی دیر.