اوکراینا، روسیا اوردوسونون ایتکیلرینی آچیقلادی
اوکراینادا حربی عملیاتلار باشلایاندان بری روسیا سلاحلی قوهلری 33 مین 800 حربچی ایتیریب.
"اوکراینادا حربی عملیاتلار باشلایاندان بری روسیا سلاحلی قوهلری 33 مین 800 حربچی ایتیریب".
بو بارهده اوکراینا سلاحلی قوهلری باش قرارگاهینین معلوماتیندا دئییلیر.
بیلدیریلیر کی، اوکراینا اوردوسو روسیا سلاحلی قوهلرینین 1477 تانک، 3 مین 888 زرهلی ماشین، 749 توپ، 130 راکت، 238 راکت آتار سیستمی، 98 هاوا هوجوموندان مدافعه سیستمی، 216 اوچاق، 181 هلیکوپتر، 601 اینسانسیز هاوا آراجی، 130 قانادلی راکت، 14 گمی/قاییق، 55 خصوصی آراج، 2527 ماشینینی محو ائدیب.
اوکراینا باش قرارگاهیندان وئریلن باشقا بیر آچیقلامادا ایسه، روسیا حربچیلرینین دونتسک ایستیقامتینده هوجوملارینین سورودونتسک و باخموت شهرلرینین سرحددینده جملشدیگی بیلدیریلیب.
آچیقلامادا هوجوملارین هاوادان حیاتا کئچیریلمهیه داوام ائتدیگی قئید ائدیلیب:
"محاربه سورودونتسک شهری اوزرینده تام نظارتی اله کئچیرمک اوچون داوام ائدیر".
بوندان علاوه، خارکوو شهری و اطرافیندا بومبا هوجوملارینین آرتدیغی و 5 دنیز راکتینین اوکرایناداکی هدفلری وورماغا حاضیر اولدوغو بیلدیریلیب.
ایلگیلیلی خبرلر
حوثی لر:"ایسراییل گمیسینی ووردوق"
یمن-دهکی حوثی لر عدن کؤرفزینده ایسراییل گمیسینی ووردوقلارینی بیلدیریبلر.