تاخیل بحرانی‌نین حلی اوچون قیرمیزی خط یارادیلیب
میللی ساوونما ناظیرلیگی فوریه‌نین 24-دن بری داوام ائدن روسیا-اوکراینا محاربه‌سی‌نین یاراتدیغی تاخیل بحرانینی حل ائتمک اوچون "قیرمیزی خط" دیپلماسی‌سینی حیاتا کئچیریب.
میللی ساوونما ناظیرلیگی فوریه‌نین 24-دن بری داوام ائدن روسیا-اوکراینا محاربه‌سی‌نین یاراتدیغی تاخیل بحرانینی حل ائتمک اوچون "قیرمیزی خط" دیپلماسی‌سینی حیاتا کئچیریب.
قئید ائدک کی، قیدا یوک‌لو گمی‌لرین اوکراینا لیمان‌لارینی ترک ائده بیلمه‌مه‌سی سببیندن بوتون دونیادا تاخیل بحرانی یاشانیر.
لیمانین اطرافینا یئرلش‌دیریلن مین لر و داوام ائدن موناقیشه‌لر پروبلئمین حلینی داها دا چتینلشدیریر.
جمهور باشقانی رجب طیب اردوغانین حل یولوندا دیپلوماتیک سعی‌لری داوام ائدرکن، میللی ساوونما ناظیرلیگی ده حرکته کئچیب.
میللی ساوونما ناظیری حولوصی آکار ایله روسیا‌لی و اوکراینا‌لی همکارلاری آراسیندا سون تلفون دانیشیق‌لاری اؤتن هفته اولوب.
آکار اولجه روسیا ساوونما ناظیری سرگئی شایگو، داها سونرا ایسه اوکراینا ساوونما ناظیری اولکسی رزنیکوو ایله گؤروشوب.
ناظیر آکار هم صحبت لرینه اینسانی وضعیت پیسلشمه‌دن ان قیسا زاماندا آتشکسین یارادیلماسینا وئریلن اهمیتی دیله گتیریب.
دانیشیق‌لارین دیگر گوندم ماده‌سی اوکراینا لیمان‌لاریندا تاخیل ایله یوکلنمیش گمی‌لرین تخلیه‌سی اولوب.
بو وضعیتین موختلیف جوغرافیا‌لارداکی اؤلکه‌لره منفی تأثیری ایفاده ائدیلرکن، پروبلئمین حلی ایستیقامتینده یئنی آددیم آتیلیب.
آکارین رهبرلیگی آلتیندا مسئله‌نی داها یاخیندان موذاکیره ائتمک و نتیجه‌یه چات‌دیرماق اوچون ساوونما ناظیرلیک‌لری‌نین هر بیریندن شخصی هئیتین تعیین اولوناجاغی "قیرمیزی خط" تشکیل ائدیلیب.
ژنرال روتبه‌سینده اولدوغو اؤیرنیلن ظابط‌لر پروبلئمی حل ائتمک اوچون بیرباشا تورکیه ایله علاقه ساخلاییر.
مؤوضوع ایله باغلی آچیقلاماسیندا میللی ساوونما ناظیری آکار تاخیل بحرانی‌نین بیر آن اول بیتمه‌سینی ایسته‌دیک‌لرینی بیلدیریب.
"هم روسیا، هم ده اوکراینا ایله جدی دانیشیق‌لار داوام ائدیر. هر ایکی طرفین معین شرط‌لری وار. بیز ده بون‌لاری قئید-شرط‌لری آرا‌دان قالدیرماغا چالیشیریق. بو باخیمدان اومیدلییک" ایفاده‌لریندن ایستیفاده ائتمیشدی.
