یونانیستانین موخالیفت لیدئری سیپراسدان تورکیه-یه دوستلوق مئساژی
یونانیستانین موخالیفت لیدئری الکسیس سیپراس سفر ائتدیگی سیمی آداسیندان تورکیه-یه دوستلوق و دیالوق مئساژی گؤندریب.
یونانیستانین موخالیفت لیدئری الکسیس سیپراس سفر ائتدیگی سیمی آداسیندان تورکیه-یه دوستلوق و دیالوق مئساژی گؤندریب.
بو حاقدا سیپراس سیمی آداسیندا ژورنالیستلره وئردیگی آچیقلامادا دئییب.
او، یونان خالقینین اگمنلیک حقوقلارینی قوروماق اوچون بیرلشدیگینی ایفاده ائدهرک، "خصوصیله اگه-نین هر ایکی طرفینین ثابتلیک و باریشا احتیاجی اولدوغو بیر زاماندا بو حرکتین آرتماسی اوچون هئچ بیر سبب یوخدور" قئید ائدیب.
الکسیس سیپراس ایکی خالق آراسیندا گذشته گئدیلمهسی مومکون اولمایان هئچ بیر پروبلئمین اولمادیغینی بیلدیریب:
"قونشو اؤلکهنین هر زامان دیالوق و باریشی دستکلهین دموکراتیک سیویل قوهلرینه مراجعت ائدیرم. بو سعی داوام ائتدیریلمهلیدیر. گرگینلیک هئچ کیمین خئیرینه دئییل".
دوستلوغا، باریشا و ثابتلیگه دستک وئرن تدبیرلره چاغیران سیپراس آچیقلاماسیندا، "میللیتچیلیک هر اؤلکهده تکجه باریش و اجتماعی بیرلیگی دئییل، دموکراسینی ده تهلوکه آلتینا آلیر" دئییب.
ایلگیلیلی خبرلر
ایراندا 5 ریشتر گوجونده زلزله
رضوی خراسان ایالتینین کاشمر بؤلگهسینده زلزله نتیجهسینده 4 نفر اؤلوب 120 نفرده خسارت آلیب